Şirnex – Li navçeya Silopİyayê jina ducanî ya bi navê Jamelah Mohsin Barhoo Barhoo ji aliyê hevjînê xwe ve rastî êrişî hat û birîndar bû. Hate diyarkirin ku zaroka wê jiyana xwe ji dest daye.
Li dikanek cil û bergan a li Taxa Yeşîltepe ya navçeya Silopiyayê ya Şirnexê jina ducanî ya bi navê Jamelah Mohsin Barhoo Barhoo (26) dema dan û stendin dikir ji aliyê hevjînê xwe ve bi kêrê hate birîndarkirin. Jamelah Mohsin Barhoo Barhoo ku bi derbeyê kêrê birîndar bû, piştî mudaxileya ewil a tîmên tenduristiyê ew bi ambûlansê rakirin Beşa Lezgîn ya Nexweşxaneya Dewletê ya Silopiyayê. Li gorî agahiyên hatin bidestxistin Jamelah Mohsin Barhoo Barhoo li nexweşxaneyê tê dermankirin û zaroka wê jiyana xwe ji dest daye. Her wiha hate ragihandin ku hevjînê êrişkar ku navê wî nehate zanîn piştî bûyerê reviyaye û derbarê bûyerê de lêpirsîn hatiye destpêkirin.
Hate zanîn ku Jamelah Mohsin Barhoo Barhoo ji Başûrê Kurdistanê ye.
