Desteya Rêveberiya Navendî ya DEM Partiyê li navenda giştî têkildarî pêvajoya “Aştî û Civaka Demokratîk” û geşedanên di rojevê de civiya. Civîn dê du rojan bidome.
Desteya Rêveberiya Navendî (MYK) ya DEM Partiyê bi serokatiya Hevserokên Giştî Tulay Hatîmogullari û Tuncer Bakirhan, li navenda partiyê civiya. Di civînê de dê pêvajoya “Aştî û Civaka Demokratîk” û geşedanên di rojevê de bên nîqaşkirin. Her wiha hat zanîn ku dê di civînê de li ser pêşketinên li Rojhilata Navîn û Tirkiyeyê bê sekinandin. Dê pêşketin û hûrguliyên pêvajoya “Aştî û Civaka Demokratîk” û xebatên Komîsyona li Meclîsê jî werin nîqaşkirin.
Êrişên nijadperest ên ku di demên dawî de li ser medyaya dîjîtal li dijî DEM Partiyê hatine destpêkirin jî dê di rojeva Desteya Rêveberiya Navendî de be. Pêşniyara Budçeya Navendî ya 2026an ku dê li Parlamentoyê dest bi nîqaşan bike jî bibe rojeva civînê.
Civîn wê du rojan bidome. Piştî civîna Desteya Rêveberiya Navendî dê Meclîsa Partiyê (PM) jî bicive. Civîna Meclîsa Partiyê wê di 27ê Cotmehê de pêk were.
