Serokê Amerîkayê Donald Trump eşkere kir ku hêzên wan operasyoneke mezin û berfireh li Venezuelayê pêk anîne û di operasyonê de Serokê Venezuelayê Nicolas Maduro û hevjîna wî hildane û derxistine derveyî welêt.
Li paytexta Venezuela Caracasê gelek cihên stratejik hatin bombekirin. Serokê Amerîkayê Donald Trump li ser hesabê xwe yê medya sanal derbarê mijarê de agahî da û ragihand ku hêzên wan di encama operasyoneke berfireh ya li Venezuelayê de derbeyên giran li hêzên wan xistin e.
Trump: Me Maduro û hevjîna wî ji Venezuelayê derxist
Trump da zanîn ku êrişên li Venezuelayê ji aliyê Amerîkayê ve pêk hatine û Serokê Venezuelayê Nicolas Maduro û hevjîna wî jî ji welat hatine derxistin. Trump destnîşan kir hêza wan a ewlehiyê vê operasyon kirine. Li gorî Trump operasyona li dijî Venezuelayê serkeftî ye û di operasyonê de jî Serokê Venezuelayê Nicolas Maduro û hevjîna wî hildane û bi balafirê ji Venezuelayê hatiye derxistin.
