* Siyasetzan Doç. Dr. Arzû Yilmaz, derbarê peymana di navbera HSD û hikûmeta demkî ya Şamê de axivî û got: “Peyman jî wekî hikûmeta Şamê demkî ye. Heta destûra bingehîn neyê nivîsandin tişteke mayînde nîn e.”
* Hemwelatiyên Qoserê ku têkildarî peymana di navbera HSDê û Hikumeta Demkî ya Sûriyeyê de hate îmzekirin axivîn, diyar kirin ku peyman bi saya berxwedana gelê Kurd hate îmzekirin xwestin ku heta Rojava azad bibe her kes li ser pêyan be.
* Welatiyên Sêrtê ku tev li çalakiya 1ê Sibatê Roja Piştevaniya bi Rojava re ya Cîhanê bûn anîn ziman ku ew dixwazin êrişên li ser Rojavayê Kurdistanê bi temamî bi dawî bibin û gotin: “Em berxwedana Rojava pîroz dikin. Gelê Kurd bûye yek. Êdî bes e, kezaba me şewitî.”
* Parlamenterê DEM Partiyê yê Colemêrgê Vezîr Parlak Coşkûn têkildarî peymana li Rojava axivî û got: “Em yek deng bibin, em dengê xwe bigihînin cîhanê ku em destkeftiyên Rojava jî, Başûr jî, Bakur jî biparêzin. Em ji bo Rojhilatê Kurdistanê jî bibin yek deng.”
* Hevserokê DBPê yê Wanê Cemal Demîr têkildarî peymana ku di navbera Rêveberiya Xweser-HSDê û Hikumeta Demkî ya Şamê de hate îmzekirin axivî û got: “Piştî ku ji aliyê îdarî, siyasî û leşkerî de entegrasyon pêk hat divê xalên vê peymanê bibin xalên destûra bingehîn.”
* Platforma Saziyên Demokratîk li Agiriyê dê ji bo şermezarkirina êriş û jenosîda li ser gelê Rojava meşekê li dar bixe. (11.30)
* Rêxistinên sivîl ên Amedê bi boneya cezayê li Amedsporê hatiye birîn dê li Cemiyeta Rojnamegeran a Başurrojhilat daxuyanî bidin. (12:00)
* Platforma Saziyên Demokratîk li Mûşê dê ji bo piştgiriya bi gelê Rojava re bi beşdariya Hevserokê Giştî yê DBPê Keskîn Bayindir meşeke girseyî li dar bixe. (12.00)
* Komeleya Lêkolînên Zanistî ya Olî ya Wanê dê ji bo balê bikşîne ser erişên li dijî gelê Rojava li Qada Bajêr daxuyaniyekê bide. (13.00)
* Platforma Saziyên Demokratîk li Colemêrgê dê bi şîara “Rojava azadî ye” meşekê li dar bixe. (13.00)
