Parêzgarê Hesekê Nûredîn Îsa Ehmed bi amadebûna rêveberên Hêzên Asayîşê, bi şandeyeke rûspiyên bajarê Hesekê re civiya.
Parêzgarê Hesekê Nûredîn Îsa li avahiya parêzgariyê pêşwaziyê li şandeyeke rûspiyên Kurd û Ereb ên bajarê Hesekê kir. Nûredîn Îsa Ehmed û heyeta rûsipiyên Ereb û Kurd re rewşa dawî ya Hesekê girtin dest. Di hevdîtinê de ji rêveberên Hêzên Asayîşê Mehmûd Xelîl Elî amade bû.
Nûredîn Îsa Ehmed diyar kir ku yekitî, ewlehî û rûmeta welatiyan û pêşkêşkirina xizmetan, xebatên wan ên pêşîn in û soz da ku ew ê bibe parêzgarê tevahî xelq, pêkhate û mezheban û got: “Ev kar emaneteke di stûyê me de ye. Em ji Xweda hêvî dikin ku me bi ser bixe û xêr û xweşiyê bide welat.”
Rûspiyan jî Nûredîn Îsa ji ber mîsyona parêzgariyê pîroz kir û hêviya serketinê jê re xwest. Li gorî agahiyên ku çavkaniyan dan ANHAyê dê fermandarê Hêzên Ewlekariya Hundirîn ê Hesekê Merwan El Elî yê ji aliyê hikûmetê ve hatiye tayînkirin, serdana parêzger Nûredîn Îsa Ehmed bike.
