Beriya ku di 17ê Sibatê de Îran û Amerîka li ser nukleerê li Cenevreyê hevdîtinê bike, dîplomatekî Îranê daxuyanî da. Di daxuyaniyê de diyar kir ku Îran amadeye derbarê enerjiya nukleerê, maden û balafiran de bi Amerîkayê re peymanê çêke. Îran û Amerîka roja sêjemê dê li Cenevreyê li ser nukleerê dest bi muzakereyên duyemîn bikin.
Tahranê gelek car diyar kir ku ji bo êriş pêk neyên û amborgo bên rakirin, amadene ku ji hin aliyan de bi Amerîkayê re peymanê çêkin. Îranê beriya hevdîtin pêk bê hewl dide daxuyaniyên nerm bide û bi van daxuyaniyan rê li ber çêkirina peymanê veke.
Ajansa Reutersê diyar kir ku dîplamateke Îranê îro di daxuyaniyekê de aşkere kir ku Îran amade ye peymanekê ji bo berjewendiyên her du aliyan çêke. Her wiha dide zanîn ku Îran ji bo nukleerê, enerjiyê, madenan û balafiran bi Amerîkayê re lihev bike û peymanê çêke. Belkêşe ku Îran beriya ku civîn dest pê bike ev daxuyanî bi raya giştî re parve kir.
Îran û Amerîka ji bo nakokiya demdirêj ya nukleerê û şerekî pêkan a çekdarî çareser bikin di serê meha sibatê de civiyan. Rayedarên Amerîkayê jî beriya civînê daxuyanî li ser daxuyaniyê didin. Di her daxuyaniyê de diyar dikin ku Amerîkayê keştiya duyemîn a balafirên şer birêkirine û ew ê biçe li ber derê Îranê raweste. Serokê Amerîkayê Donalt Trump jî diyar dike ku peyman çê nebe, dê çi bibe ew ê bibînin.
