Li Siwêdayê ciwanek di topbarana komên hikêmeta demkî ya Şamê de jiyana xwe ji dest da û 4 kes jî birîndar bûn.
Çavkaniyên xwecihî diyar kir ku komên hikumeta demkî ya Sûriyeyê yên li eniyên gundewarê rojavayê bajarê Siwêdayê bi cih bûne eniyekî bajarê Siwêdayê topbaran kir, di encamê de ciwan Hesan Hatom jiyana xwe ji dest da û 4 kes jî birîndar bûn.
Girêdayî mijarê, Fermandariya Hêzên Parêzvanên Niştîmanî bi daxuyaniyekê diyar kir ku “Hêzên hikumeta demkî yên terorîst bi hawan û dronan êrişî eniya rojavayê bajêr kir. di encamê de şehîdek çêbn, 4 kes birîndar bûn, birîna yekî giran e.
Yekîneyên me li eniyê belav bûne, di çarçoveyên erkên xwe de bi tundî bersivê didin jêdera êriş û binpêkirinan, da ku xelkê xwe biparêze û selametiya hêzên xwe misoger bike.”
Li eniyên bajarê siwêdayê dem bi dem tevliheviyên ewlehî û topbaranên dualî hene, metirsî hene ku ev alozî li herêmê zêde bibe.
