* Welatiyên ku tev li ‘Civîna Gel” ya Bagcilara Stenbolê bûn diyar kirin kû mafê hêviyê mafê herî bingehîn e û gotin: “Em li bendê ne ku di demekî nêz de Serokatî azad bibe. Azadiya Serokatî bi azadiya gelê Kurd ve girêdayî ye.”
* Hunermendên Kurd Salîha Ayata, Omer Şahîn û Celal Ekîn diyar kirin ku ji bo yekîtiyê rol û mîsyona hunermendan gelek girîng e û wiha gotin: “Kurd dikarin bi ruhê çand û hunera xwe yekîtiyê ava bikin.”
* Xwedekara Mastirê ya Mafnasiyê ya Zanîngeha Rojava Arîn Mihemed banga avakirina komîteyeke hiqûqê ji bo parastina mafên Kurdan di destûra nû ya Sûriyeyê de kir û diyar kir ku divê hemû hiqûqnas û zanyar qanûnên parastina mafên Kurdan pêşniyar bikin.
* Hevserokê DEM Partiyê yê Sêrtê parêzer Kenan Bîlge diyar kir dewleta Tirk ‘Mafê Hêviyê’ bi awayekî siyasî dinirxîne û got ku dewlet li gorî biryarên DMMEyê tevnagere û got: “Divê dewlet bêşert û merc vî mafî pêk bîne.”
* Piştî 33 salan careke din Meha Remezanê, Cejna Xidir Îlyas û Rojiya Mezin di heman rojê de rastî hev hatin.
* Berdevk û rêveberên Saziyên Zimanê Kurdî bi boneya 21ê Sibatê Roja Zimanê Zikmakî ya Cîhanê, bang li gel kirin ku beşdarî meşa Amedê bibin û gotin: “Werin em bi hev re ji bo qezenckirina statuya mafê zimanê Kurdî bimeşin.”
* Nivîskar û mamosteyên zimanê Kurdî rewşa zimanê Kurdî nirxandin û gotin: “Divê zimanê Kurdî bibe zimanê bazar û perwerdeyê. Malbat zarokên xwe ji zimanê dayikê bêpar nehêlin. Hewce ye dewlet di warê qanûnî de zimanê Kurdî qebûl bike.”
* Hevserok û rêveberên saziyên çand û ziman ên li Îzmîrê diyar kirin ku demokrasî bi nasîna mafên Kurdan pêkan e, ji bo vê jî divê 21ê Sibatê veguhere roja têkoşînek xurt û êdî dem dema dibistanên Kurdî ye.
* Hevberdevaka HDKê û parlamentera DEM Partiyê Meral Daniş Beştaş têkildarî rapora hevpar ku di komîsyonê de hat pejirandin diyar kir ku bi rapora hevpar pirsgirêka Kurd bi tevahî nayê çareserkirin û got: “Ya girîng vebûna rêya siyaseta demokratîk e. Ev yek jî gav bi gav dibe.”
* Parlamentera DEM Partiyê ya Amedê Ceylan Akça ku tev li Konferansa Ewlehiyê ya Munihê bû diyar kir ku tişta Kurd di konferansê de kirin yek dîplomasiya wan a ji bo mîsogerkirina parastina gelê Kurd bû û destnîşan kir ku divê Kurd dîplomasiya xwe xurt bikin.
* Şaxên Komeleya Hiqûqnasên Ji Bo Azadiyê (OHD) dê li gelek bajaran di çarçoveya 21ê Sibatê de ji bo zimanê Kurdî bibe zimanê fermî û perwerdehiyê dê li ber avahiyên edliyeyan daxuyanî bidin. (12:00)
* Di çarçoveya 21ê Sibatê Roja Zimanê Dayîkê ya Cîhanê de dê li ber Mizgefta Mezin a li navçeya Sûrê standa ji bo hişmendiyê bê danîn û li Çand Amedê fîlmên bi navê “Zimanê Dayikê û Xewna Bêziman” bê nîşandan. (12:00-20:00)
* Dengbêj Mihemedê Nenyasî ku di erdhejê de li Amedê jiyana xwe ji dest dabû dê li Mala Dengbêjan a li navçeya Sûrê ya Amedê bê bibîranîn. (14.00)
Kirmanckî
* Beser Kûlbag ke dewa Tûlûk de weşîya xo ramnena, 94î dewexto ke dewlete dewa Tûlûk kerde tal, bonî ke vesnayê, cîrananê aye bar kerdo şîye. Dewa xo de teyna menda. Ûsar sona dewa xo payîz yena Mamekîye de hetê kênaya xo. Ju lazê xo ko de ameyo kîştene. Dez û heşîrîye zaf dîya û vana: “Lazê mî şi harde dewrêş ûnca kî aştîye wazena.”
