Şêwirmendê payebilind yê Îranê Elî Şamşanî piştî 3yemîn Civîna Nukleerê ku li Cenevreyê pêk hat daxuyanî da û got: “Heke tenê nukleer û dewlemendkirina uranyumê be Îran dikare pir bi hêsanî peymanekê çêbike.”
Ajansên ku 3yemîn Civînên Nukleerê ya nerasterast a di navbear Amerîka û Îranê de li Cenevreyê dişopînin ragihandin ku civîn bi dawî bû. Ajansa APê dîmenên dawîbûna civînê parve kir. Hat gotin ku civîna Îran û Amerîkayê bi saetan dom kiriye.
Yek ji şêwirmendên payebilind ên Îranê Elî Şamxanî îro di ajansa fermî ya Îranê ya ÎRNAyê de diyar kir ku Rêberê wan ê olî pêşniyar kir ku hedefeke diyarkirî hebe Îran dikare tavilê bigihîje peymanekê ya bi Amerîkayê re. Nûnerê Îranê hedefa diyarkirî jî bi van gotinan pênase kir: “Heke bi tenê li ser nukleerê û dewlemendnikirina uranyumê be, Îran dikare pir hîsan bi Amerîkayê re peymanekê çêke.”
Wezareta Karên Derve ya Ummanê îro di ser hesaba xwe ya platforma Xê peyamek parve kir û wiha got: “Me pêşniyarên Îranê yên li ser nukleerê di danûstandinên 3yemîn Civîna Nukleerê yê li Cenevreyê pêşkêşî nûnerên taybet ên Amerîkayê Steve Witkoff û Jared Kushner kir.”
Hat hînbûn ku hevdîtin dê bidomin.
