Civîna di navbera endamên Şandeya DEM Partiyê ya Îmraliyê Sirri Sureyya Onder û Pervîn Bûldan û Serokkomarê AKPyî Tayyîp Erdogan de dest pê kir.
Civîna endamên Şandeya DEM Partiyê ya Îmraliyê Sirri Sureyya Onder û Pervîn Buldan li gel Serokkomarê AKPyî Tayyîp Erdogan dest pê kir. Civîn li Qesra Serokkomariyê tê lidarxistin. Wekîlê Serokê Giştî yê AKPê Efkan Ala û Serokê MÎTê Îbrahîm Kalin jî di civînê de cih digirin.
Sirri Sureyya Onder û Pervîn Buldan ji Meclisê çûn Qesra Serokkomariyê û beriya civînê daxuyanî dan û pirsên rojnamevanan bersivandin. Onder û Buldan diyar kirin ku ew ê pêşniyarên xwe ji bo Serokkomar Erdogan bikin û ev civîn gelek girîng e.
Di civînê de dê li ser mijarên çareserkirina pirsgirêka Kurd û pêvajoya “Banga Aştî û Çareseriya Demokratîk” a Rêberê Gelê Kurd Abdullah Ocalan bên nîqaşkirin.
