Erdî Baran ê ku piştî 15 salan ji girtîgeha Tîpa F a Bûrdûrê hate tehliyekirin ji aliyê malbata xwe û rêveberên TUAY-DERa Êlihê ve bi girseyî hate pêşwazkirin.
Erdî Baran ê ku ji girtîgeha Tîpa F a Bûrdûrê hate tehliyekirin ji aliyê rêveberên Komeleya Hevgirtinê ya bi Malbatên Girtî û Hikumxwaran re (TUAY-DER) ya Êlihê û malbata xwe ve bi girseyî hate pêşwakirin. Erdî Baran di sala 2011an de bi angaşta “Endamtiya rêxistinê” hatibû girtin 15 salan li girtîgehên Aydin, Îzmîr û herî dawî li Bûrdûrê girtîbû, hate tehliyekirin. Malbata Erdî Baran û gelek xizmên wî ew bi kêfxweşî pêşwazî kirin.
‘Em ê ji bo hemû hevalên me yên di zindanan de dîlgirtî ne têbikoşin’
Hevserokê TUAY-DERa Êlihê Hasan Arigtekîn ku bi rêveberên saziyê re çûn pêşwaziya Erdî Baran û got: “Em bi hevalên xwe yên bi salan e di zindanan de dîlgirtî dimînin re serbilind in. Çavên hemû malbatê ronî be. Em hêvî dikin ku ev aqubet li serê hemû hevalên me yên dinê û li serê Rêber Apo be jî. Em ê ji bo hemû hevalên me yên di zindanan de dîlgirtî ne têbikoşin.”
