Artêşa Îsraîlê tevî peymana agirbestê jî êrişan didomîne. Di encama êrişan de 24 jê zarok 63 kes kuştin.
Artêşa Îsraîlê tevî lihevkirin û agirbestê jî êrişên xwe yên li dijî Xezeyê didomîne. Artêşa Îsraîlê, rojek berê ragihand ku li Herêma Refah a Xezeyê ku hatiye dagirkirin, leşkerekî wê hatiye kuştin û îda kir ku Hamasê êriş kiriye. Hamasê ev îdia derewand.
Serokwezîrê Îsraîlê Binyamîn Netanyahu, piştî civîna ewlehiyê rexmê agirbestê li dijî Xezeyê talîmata êrişa “bilezgîn” û “dijwarî” da.
Erkdarên tenduristiyê yên Xezeyî, diyar kir ku di êrişên hewayî yên Îsraîlê de malên li herêma “xeta zer”, wesayîteke sivîl, stargehek û nexweşxaneyek bûye hedef û ragihand ku jê 24 zarok 63 Filistînî hatine qetilkirin.
Di heman demê de, kanala televîzyonê ya dewleta Îsraîlê KANê ragihand ku hin gavên ku rêveberiya Tel Avîvê dixwaze bavêje dê ji aliyê DYAyê ve bê erêkirin. Hat ragihandin ku Netanyahu biryar daye ku “xeta zer” a li gorî peymana agirbestê di bin dagirkeriya Îsraîlê de ye berfireh bike û ji bo koordînasyonê bi rayedarên payebilind ên DYAyê re civiyaye.
Di serdana Netanyahu ya 29ê Îlonê ya ji bo DYAyê de, Serokê DYAyê Donald Trum ji bo ‘aştiya’ li Xezeyê plansaziyeke bi 20 xalan daxuyandibû. Netanyahu, ragihandibû ku planê qebûl dike û Hamasê jî di 3ê Cotmehê de ragihandibû ku pevguherîna dîlgirtiyan û dewrkirina rêveberiya Xezeyê ji bo teknokratên Filistînî qebûl dike. Di 6ê Cotmehê de Îsraîl û Hamas li Misirê ji bo guftûgoya planê civiyabûn. Di 9ê Cotmehê de Îsraîl û Hamasê qonaxa yekemîn a planê qebûl kiribûn û di 10ê Cotmehê de li gorî saeta herêmî saet di 12.00an de agirbest hatibû destpêkirin.
Di vê çarçoveyê her du aliyan dîligrtî berdabûn.
