Amed – Endamên Kooperatîfa Hilberîn û Kargeriya Jinan Rawesta yê diyar kirin ku armanca vekirina Kooperatifê ya sereke di aliyê aborî de alikariya girtiya bikin.
Heft jinên ku xizmên girtiyan in, Kooperatifa Hilberîn û Kargeriya Jinan Rawesta bi merasimekê vekirin. Kooperatifa Rawestayê dê ji bo şahî û şînan xwarinê çêke. Jinên ku pêşengiyê vê kooperatîfê dikin, dê di aliyê aboriyê de piştevaniya girtiyên xwe bikin. Endamên Kooperatifa Rawesta yê têkildarî Kooperatîfê û xebatên xwe axivîn.
‘Em dixwazin girtiyên xwe re bibin alîkar’
Endama Kooperatîfa Rawestayê Sulhiye Saruhan diyar kir ku kurê vê di girtîgehê de ye û dixwaze ku di aliyê aboriyê de piştevaniya girtiyan bike û got: “Em malbatên girtiyan hatin cem hev û me Kooperatifa Rawesta ava kir. Kooperatifa me ya yekemîn e. Em dixwazin hewceyî mêra nebin. Em ê hewceyî bavê xwe, birayê xwe, hevjînê xwe nebin. Zarokên me, birayên me, bavê me di zîndanê de ne. Em dixwazin bi wan re bibin alîkar. Em piştgiriya sazî û malbatên xwe dixwazin. Bernameyên wan hebin bila piştgiriyê bidin me û em xwarinê çêbikin. Me 7 malbatê girtiya destpêkir. Em bawerin ku hejmara me yê 100î jî zêdetir bibe. Malbatên me bixwazin bila tevlî me bibin.”
‘Em ê bi piştgiriya gelê xwe mezin bibin’
Xizma girtiyan Delal Tekîn jî anî ziman ku jin bi hev re aşpêjiyê dikin û wiha got: “Ji bo ku em alikariya girtiyan bikin û ji şîn û şahiya re bi awayekî komunal xwarina çêkin me ev kooperatif vekir. Em endamên Kooperatîfa Rawestayê ne. Em jin bi hev re dixebitin. Armanca me ev e ku em alikariya girtiyên xwe bikin. Em li vir aşpêjiyê dikin xwarinên ku em çêdikin ji bo rojê şîn û şahiyan e. Daxwaza me alikariya girtîgeha ye. Kooperatifa Rawesta fikreke pir başe. Em êdî dikarin li ser lingên xwe bisekinin. Ev me pir kêfxweş dike. Kooperatifa me nû vebû. Em dixwazin xebatên me zêde bibin. Em dixwazin hevalên me zêde bibin. Em li benda alikariya heval û hogirê xwe ne. Em ê bê piştgiriya wan mezin bibin.”
Endama Kooperatîfa Rawesta yê Hasrat Oral jî destnîşan kir ku 7 xizmên girtiyan bi hev re kooperatîf vekirin û got: “Em bi hev re xwarinan çê dikin. Em dişînin şîn û şahiyan. Em dixwazin kooperatîfa me pêş bikeve.”
‘Em piştgiriya jinan dixwazin’
Herî dawiyê Asli Çelebî jî xwesteka xwe ya ji bo piştgiriya jina anî ziman û got: “Weke xizmên girtiyan êdî em li destê kesê nanêrin. Em dixwazin jin pêş bikevin. Ji bo ku em pêş bikevin, neçarê kesan nebin me kooperatif vekir. Em dixwazin jin piştgiriyê bidin me. Gelê me jî alikariya me û girtiyên xwe bikin.”
