Kurdistanî û dostên wan li bajarên cuda yên Elmanyayê li dijî êrişên li ser Rojava daketin qadan. Di xwepêşandanên ku li navendên bajarên cuda yên Elmanyayê hatin lidarxistin de, bi hezaran kesan bi sloganên, “Bijî berxwedana Rojava” berxwedana Rojava silav kirin. Di çalakiyan de banga parastina Rojava hate kirin.
Li ser banga seferberiya neteweyî ya HSD û Rêvebirya Xweser bi deh hezaran Kurd û dostên wan li gelek bajarên Almanyayê meş û miting hatin lidarxistin.
Hambûrg
Meclisa Gel a Demokratîk a Kurd a Hamburgê (DKHM) li ber Hauptbahnhofa Hamburgê mîtîngek li dar xist û êrişên çeteyên HTŞ û DAIŞê ku ji hêla Tirkiyeyê ve têne organîzekirin protesto kirin. Endamên Konseya Jinan a Rojbîn, Parêzvanên Şoreşa Tirkiyê (TCŞ), enternasyonalîstên Alman, rêxistinên jinan ên çepgir, sosyalîst û bi hezaran Kurdistanî beşdarî mîtîngê bûn. Di mîtîngê de pankartên bi Almanî êrişan şermezar dikin û banga parastina Rojava dikin hatin vekirin. Di mîtîngê de timî diruşmeyên, “Jin jiyan azadî”, “Terorîst Colanî” û “Bijî berxwedana Rojava” hatin berzkirin. Di axaftinan de êrişên li ser Rojava wekî komployek navdewletî hate nirxandin û banga berxwedanek kûrevî hate kirin. Mîtîng bi dirûşme û sirûdan bi dawî bû.
Leverkûsen
Kurdên li Leverkusenêji bo protestokirina êrişên li ser Rojava meşek li dar xistin. Çalakî li Opladenê destpê kir û heta Leverkusen Mitteê meşiyan. Di meşê de diruşmeyên, “Wê Rojava azad bibe”, “Bijî yekîtîya gelê Kurd” û “Rojava Rojhilat e Kurdistan yek welat e” hatin berzkirin. Di mitîngê de dovîzên piştgiriya Rojava tînin ziman û êrişên komkujiyê şermezar dikin hatin rakirin. Her wiha di meşê de belavokên derbarê êrişan de hatin belavkirin. Meş bi mîtîngekê li Leverkusen Mittê bi dawî bû. Di axaftinan de banga mezinkirina berxwedanê li hate kirin.
Aachen
Komeleya Gelê Kurd a Aachenê bi heman armancê li ber Meclîsa Gelê Kurd a Aachenê bi beşdariya bi hezaran Kurdistanî û çepgirên ciwan ên Antîfa dest meş pêk anî. Bi sedan jinên porê xwe honandî sloganên, “Bijî berxwedana Rojava”, “Yek e yek e, gelê Kurd yek e” û “Rojava Rojhilat e, Kurdistan yek welat e” berz kirin. Di tevahiya meşê de, broşûrên agahdarkirinê hatin belavkirin. Meş dema ku gihîşt Elisenbrunnen a li navenda bajêr veguherî mîtîngê. Di axaftinan de daxwaza rawestandina êrişên li dijî gelê Kurd hate kirin û hate diyarkirin ku divê cîhan destkeftî û rûmeta gelên li Rojava biparêze.
Heilbronn
Li Heilbronn a Elmanyayê, bi sedan Kurdistanî û dostên wan li Kiliansplatzê kom bûn û diruşmeyên, “Bijî Berxwedana Rojava”, “Bijî Berxwedana Kobanî”, “Bijî Rêber Apo”, “Terorîst Colanî” û “Jin, Jiyan, Azadî” berz kirin. Di axaftinan de li ser yekîtiya Kurdan hate rawestandin û bêdengiya welatên Ewropayê hate rexnekirin. Gelek jinên ji bo berxwedana xwe li dijî çeteyên HTŞê nîşan bidin, porê xwe honandin.
Munster
Li Munsterê jî xwepêşandanek bi pêşengiya Ciwanên TCŞê ya Munsterê, Tevgera Jinên Kurd, meclîsa herêmî û dostên Kurdan pêk hat. Di xwepêşandanê de, jinan porê hev honandin û peyama hevgiriyê dan. Di xwepêşdanê de diruşmeyên, “Bijî berxwedana Rojava”, “Yek, yek, yek, gelê Kurd yek e” û “Bijî berxwedana Kobanê” hatin berzkirin. Xwepêşandan bi axaftinên banga parastina Rojava bi dawî bû.
Saarbrucken
Xwepêşandana ku ji aliyê Navenda Civaka Demokratîk a Kurd ve hate organîzekirin, bi hezaran kes li dijî êrişên li ser Rojava nerazîbûn nîşan dan û yekîtiya neteweyî û berxwedana gelê Kurd silav kirin. Meşa li Landwehrplatzê dest pê kir, bi sloganên piştgiriya Rojava dikin, heta navenda bajar berdewam kir. Ji Meclîsa Saarbrucken a PYDê Daxil Îbrahîm berxwedana Şêxmeksûd a Helebê bi bîr xist û diyar kir ku fermana dawîn a ku ji hêla Şehîd Fermandar Ziyad ve ji gelê Kurd re hatiye dayîn berxwedan bûye. Di axaftinan de soza parastina Rojavayê Kurdistanê hate bilind kirin.
Wuppertal
Li Wuppertal a Elmanyayê Kurdistanî li dijî êrişên li ser Rojava xwepêşandanek girseyî li dar xistin. Di xwepêşandanê de diruşmeyên, “Wê Rojava azad bibe”, “Bijî yekîtîya gelê Kurd”, “Jin, jiyan, azadî” û “Bijî berxwedana Rojava” hatin berzkirin. Di axaftinan de, êriş û komkujiyên li Rojava bi tundî hatin şermezarkirin û banga hevgiriyê hate kirin. Girseyê bang li civaka navneteweyî kir ku li hember tiştên ku li Rojava diqewimin bêdeng nemînin.
Berlîn
Li paytext Berlînê jî Kurdistanî û dostên wan ji bo protestokirina êrişan li Brandenburg Gate / Pariser Platzê hatin cem hev û dest bi meşê kirin. Bi hezaran Kurdistanî û dostên wan alên YPG û YPJê hilgirtin û diruşmeyên dilsoziya wan tîne ziman avêtin. Di dawiya meşe de hate daxuyandin ku êriş sûcek li dijî mirovahiyê ye û divê Yekîtiya Ewropayê bêdeng nemîne. Xwepêşandan bi dirûşm û peyamên hevgirtinê bi dawî bû.
Dresen
Li Dresden a Elmanyayê Kurdistanî û dostên wan ji bo protestokirina êrişên li ser Rojava û peyama hevgirtinê bişînin li hev civiyan. Girseyê alên YPG û YPJê hilgirtin û pankartên “Defend Rojava”, “Rojava ne bi tenê ye” û “Êrişên li dijî gelê Kurd rawestînin” holgirtin. Di axaftinan de hat gotin ku tiştê li Rojava diqewime sûcek li dijî mirovahiyê ye û divê Yekîtiya Ewropayê bêdeng nemîne. Çalakî bi berzkirina dirûşmeyan bi dawî.
Koln
Li Kolna Elmanyayê bi hezaran Kurd û enternasyonalîstî piştgiriya Rojava kir. Meşa ku niştecihên herêmê jî beşdar bûn, ji Heumarkt heta Neumarkt berdewam kir. Di meşê bi sedan alên YPG û YPJ hatin hilgirtin û diruşmeyên “Bijî berxwedana Rojava”, “Bijî YPG YPJ” û “Bijî Kurdistan” hatin berzkirin. Bertek nîşanî hevkariya Ewropayê dide DAIŞ, HTŞ û çeteyên dewleta Tirk dan. Hunermend Diyar Dêrsim û Hevserok Sidar Yıldız di çalakiyê de axaftin kirin. Ji çar perçeyên Kurdistanê mafê axaftinê girtin û bal kişandin ser gefên li ser Rojava.
Lubeck
Li bajarê Lubekê yê Elmanyayê li dijî êrişên li ser Rojavayê Kurdistanê meşek girseyî ya protestoyî hate lidarxistin. Kurdistanî û dostên wan ji bo êrişan protesto bikin û hevgirtinê li Kohlmarktê kom bûn. Meş bi deqeyek rêzgirtina ji bo bîranîna kesên ku li Kurdistanê jiyana xwe ji dest dane dest pê kir. Piştre girse ber bi Korkmarktê ve meşiya. Di meşê de dirûşmeyên “Bijî Serok Apo”, “Şehîd namirin”, “Jin, Jiyan, Azadî”, “Bijî HSD” û “Rojava Rojhilat e, Kurdistan yek welat e” hatin berzkirin.
