Li herêma Derayê di gorekê de zêdeyî 50 cenaze hatin dîtin.
Li bajarê Îzrai yê girêdayî Dera ya Sûriyeyê goreke komî hate dîtin. Li gorî nûçeya SANAyê, tê texmînkirin ku zêdetirî 50 cenaze di gorê de hebin. SANAyê da zanîn ku 5 cenaze tenê ji gorê hatine derxistin. Ji ber rewşa hewayî, derxistina cenazeyên din tê astengkirin.”
Di Çileya îsal de jî li bajarê Senemên ê bakurê Derayê goreke komî hatibû dîtin. Di 16ê Kanûna 2024an de li mezreya Kiwêtî ya derdora bajarê Îzrai ku di bin kontrola çekdarên “Dîfa El Wetenî” de bû, goreke din a komî hatibû dîtin. Jin û zarok jî di nav de ji gorê 31 cenaze hatibûn derxistin.
