Nûnerên TJA, MKG, DFG û saziyên din li sînorê Nisêbin-Qamişloyê daxuyanî dan û gotin “Em kuştina rojnamegeran şermezar dikin. Em ê kamera û pênûsa wan li erdê nehêlin.”
Çalakiya nobeda sînorê Nisêbîn-Qamişloyê ku li dijî êrîşên komên çekdar û Tirkiyeyê yên li ser gelê Rojava didomin, di roja 9emîn de berdewam dike. Çalakgerên nobeta sînor daxuyanî dan û kuştina rojnamevan Cîhan Bîlgîn û Nazim Daştan şermezar kirin.
Çalakiya nobeta sînorê Nisêbîn Qamişloyê ku di 13ê Kanûnê de di pêşengiya TJA, DBP û DEM partiyê de dest pê kir, di roja 9an de li ser sînor didome. Her rojê sazî û rêxistinek ji bajarên derdorê tên û li ser sînor daxuyaniyê didin çapemeniye. Girseya ku serê sibê li ser sînor kom bûn dirûşmeyên “Bijî berxwedana Rojava”, “Çapemeniya azad nayê bêdengkirin”, “Rojava rumetê meye”, “Rojava dile me, berxwedan karê me” berz kirin. Çalakgeran berdilkên ku li ser “Ji şer re na” û “Bijî berxwedana Rojava” hatiye nivîsandin li xwe kirin. Girseyê li ser sînor wekî her roj stran gotin û govend gerandin.
Nûner û rêveberên Komeleya Rojnamevanan a Dicle Firatê (DFG) û Komeleya Rojnamevanên Jin ên Mezopotamya (MKG) jî beşdarî çalakiyê bûn. Dîsa nûnerên TJA û DBPê yên Şirnex û Bêdlisê hatibûn jî tev li daxuyaniye bûn û bertekên xwe anîn ziman.
Ewil Seroka MKGê Roza Metîna li ser sînor axivî û wiha got: “Ji bo em bibin denge Gulistan Tara, Nagîhan Akarsel, Nazim Daştan û Cîhan Bîlgin em li vir in. Ji bo em bibin dengê kedkarên çapemeniya aza dli vir in. Ji bo em bibin dengê hemû kedkarên çapemeniya azad ku di êrîşan de jiyana xwe ji dest dane li vir in. Çapemeniya azad, di ronîkirina heqîqet û rastiyan de xwedî rolek gelek girîng e. Bi taybet rol û rista rojnamegerên jin dikin. Ji ber rola çapemeniyê di pêşengiya civakê de girîng e, êrîşî çapemeniya azad dikin. Li Rojava jî ji ber ku çapemeniya azad xwedî rolek girîng e û rastiya wir tîne ziman bûn hedef. Niha li dijî destkeftiyên gelê Kurd û gelên din êrîşên tund hene. Ji bo van destkeftiyên gelê Kurd ji destê wan derxin êrîşî çapemeniya azad û êrîşî gelê Kurd dikin. Ji bo rastiya van êrîşan dernekeve holê kedkarên çapemeniya azad kirin hedef. Li dijî van êrîşan berxwedanek mezin heye. Ji bo ev berxwedan neyê dîtin êrîşî çapemeniyê kirin. Ji bo em bibêjin hûn nikarin êrîş bikin, hûn nikarin dengê çapemeniya azd qut bikin em li vir in. Ji bo em bibêjin bêdeng name û dê tu carî dest ji mîrateya kedkarên çapemeniyê bernade, em li vir in. Nagîhan Akarsel, Cîhan Gulistan Tara, Hêro û Nazim li dû xwe mîrateyek mezin hiştin. Em wekî çapemeniya azad tu carî dest ji mîrateya wan bernadin. Ji bo em xwedî li têkoşîna Rojava derkevin em li vir in. Em wekî çapemeniya azad dest ji pênûsê û heqîqetê bernadin. Em ê tu carî dest ji kamerayan bernedin. Em li Amed, Wan û Stenbolê li dijî qetilkirina çapemeniya azad dengê xwe bilind dikin. Em dîsa li virin. Em ji zext û zordariyê we netarisînin. Em tu carî dest ji pênûs, heqîqet û qadan bernedan. Em dibêjin bijî Şoreşa Rojava Rojava. Bijî çapemeniya azad. Bijî çapemeniya azad.”
Piştî daxuyaniyê bê navber dirûşma “Şehîd namirin” berz kirin.
Piştre nûnera TJAyê ya Şirnexê Çîmen Fidan jî li vir axwivî û wiha got: “Em duh dîsa bi xemgîniyek mezin hişyar bûn. Em bi şehadeta du hevalên çapemeniya azad hişyar bûn. Em wan bibîr tînin. Em êrîşa li ser wan şermezar dikin. Îro dîsa çalakiya me li ser sînor didome. Ev ji bo me nesînor e. 100 sal berê neyarên Kurdan Kurdistan kirin çar parçe. Li gorî xwe sînor danîn. Lê gelê Kurd û jinên Kurt tu carî ev sinor nas nekirin. Em vî sînorî tu carî qebûl nakin. Destkeftiyên çar parçeyên Kurdistanê her tim di bin êrîşan dene. Ji bo dijmin Rojhilat, Rojava, Bakur û Başûr ferq nake û êrîş dikin. Ji bo têkoşîna me jî li çar parçeyan ferk nake. Em li her derê destkeftiyên xwe diparêzin. Ev şerê ku didomin ji şerê taybet ne cuda ye. Şerê taybet û şerê li dijî çar parçeyên Kurdistanê encama xwedî heman hişmendî ye. Ev hişmendî girêdayî tecrîdê ye. Jinên ku li dîasporayê tên kuştin bi heman hişmendiyê ye. Sedema ve yekê tecrîd e. Tecrîd çiqas kûr dibe şer ji ew qas mezin dibe. tecrîd çiqas qûr dibe, tecrîda jinan jî ew qas dikeve xeterê. Ji ber vê yekê divê demildest tecrîd bê şikandin û bi Rêber Abdullah Ocalan re hevdîtin bên kirin û destkeftiyên Kurdistanê bên parastin. Em wekî jin çawa duh me ji bo destkeftiyên jinan û Kurdan me xebat û têkoşîna xwe mezin kiriye, em îro jî bi heman hişmendiyê li qadan, li sînoran û li ber xwe didin. Em dizanin ku serkeftin ya jinên berxwedêr û gelê berxwedêr e. Ya serkeftin ya serkeftin.”
