El Cezîre ya Qatarê ragihand ku roja Yekşemê li Xezeyê di êrişa hewayî ya Îsraîlê de nûçegihanê wan ê naskirî Enes el-Şerîf jî di nav de 5 rojnamegeran jiyana xwe ji dest dane.
Artêşa Îsraîlê, Enes el-Şerîf weke ‘Endamekî Hamasê yê ku kincê rojnamegeriyê li xwe kiribû’ û ‘lîderekî şaneyeke ji êrîşên bi roketan ên li hemberî sivîl û leşkeran berpirsyar’ pênase kir û ew kiriye hedef.
Li gorî nûçeya El Cezîre, êriş li pêşiya Nexweşxaneya El Şîfa ya li bajarê Xezeyê hatiye kirin û bombe li konê rojnamegeran hatiye barandin. Hate ragihandin ku di êrişê de nûçegihan Mûhammed Kûreyke û kameramanên wan Îbrahîm Zaher, Mûhammed Nûfal û Moamen Alîwa jî hene.
Îsraîlê Gulana 2024an weşan û ofîsên El Cezîre yên li welatê xwe qedexe kiribû. Rêveberiya Filîstînê jî destpêka salê bi sûcdariya “fitne, tevlîhevî” û “destwerdanê” qenalê bi demkî qedexe kiribû.
