Balafira Bêmirov a Dewleta Tirk (SÎHA) li dijî gundê Berx Botanê yê Kobanê êrîş pêk anî û ji malbatekê 9 kes kuştin. Fermandarê Giştî yê HSDê Mazlûm Ebdî ji malbatê re peyama sersaxiyê şand û şifaya lezgîn xwest.
Fermandarê Giştî yê Hêzên Sûriya Demokratîk (HSD) Mazlûm Ebdî li ser rûpela xwe ya Xê peyama sersaxiyê ji bo qurbaniyên gundewarê Kobanê da. Mazlûm Ebdî di peyama xwe de ev tişt got: “Em sersaxiyê ji malbatên qurbaniyên ku di encama bombebarana dewleta Tirk a li ser gundewarê Kobanê de jiyana xwe ji dest dane dixwazin û ji birîndaran re jî şifaya lezgîn dixwazin. Hedefgirtina cotkar û zarokên wî sûcê mirovî ye. Divê hikumeta veguhêz li hemberî qetilkirina welatiyên xwe ku bi destê dewletên din tên qetilkirin, berpirsiyariya xwe hilgire. Her wiha em bang li Koalîsyona Navneteweyî û hêzên aktîv dikin ku bi erkên xwe yên rawestandina van sûcan rabin.
Pêkanîna agirbestê li seranserî Sûriyeyê, pêwîstiyek e ku qonaxa veguhêz a ber bi Sûriyeya aram û ewle ve, bi ser bikeve.”
