Qeyûmê Wanê Ozan Balci Bazara Taxê ya Sergirtî ya Tûşbayê ku di 19ê Kanûna 2024an ji aliyên hevşaredarên DEM Partiyê ve hatibû vekirin, ji bo ku pesnê xwe bide ji nû ve vekir.
Waliyê Wanê Ozan Balci yê ku di 15ê Sibatê de weke qeyûm li Şaredariya Bajarê Mezin a Wanê hat tayînkirin, projeyên ku ji aliyê hevşaredarên hilbijartî ve hatibûn çêkirin yek bi yek betal dike û cihên ku hatine vekirin ji nû ve vedike. Hat gotin ku qeyûm dixwaze bi van vekirinên dubare pesnê xwe bide. Qeyûm xebatên Neslîhan Şedal û Abdullah Zeydan ve hatine çêkirin weke “xizmeta xwe” nîşan dide, vîna gel paşguh dike.
Bi merasîmeke heybet hatibû vekirin
Bazara Taxê ya Sergirtî ku ji aliyê Serokatiya Daîreya Karên Fenê ya Şaredariya Bajarê Mezin a Wanê ve li ser qadeke 3 hezar û 950 metrekare li TOKÎyên Kalecîkê ya navçeya Tûşbayê hatibû çêkirin, di 19’ê Kanûna 2024an de bi beşdariya gel bi merasîmeke bi heybet hatibû vekirin. Hevşaredar Neslîhan Şedal û Abdullah Zeydan, rêveberiya Partiya Wekhevî û Demokrasiyê ya Gelan (DEM Partî) ya Wanê û gelek welatî tev li vekirina bazarê bûbûn. Bazara Taxê jixwe ev demek bû vekirî bû û hevşaredaran jî gelek car serdana wê kiribûn.
