Şervanên Hêzên Sûriya Demokratîk (HSD) yên bi berxwedana bêhempa Girtîgeha Eqtana Reqayê ji êrişên çeteyên HTŞ û DAIŞê diparastin piştî lihevkirinê vekişiyan Kobaniyê.
Piştî vekişîna HSDê ya ji Reqa û Dêyezorê mijara parastina girtîgehên ku DAIŞ têde tên girtin ji pir aliyan de ket rojevê. Taybet jî Girtîgeha Eqtan ya Reqayê. Li gel ku hêzêzên HSDê ji Reqayê vekişiyan jî parastina girtîgehê bi riheke canfeda berdewam kir. Heta lihevkirina li ser girtîgehê parastin pêk hat û berxwedaneke bêhenpa li dij êrişên komên çete yên HTŞ û DAIŞê pêk hat.
Girtîgeha Eqtanê ya li Reqayê ku çeteyên herî xeternak ên DAIŞê têde ne, piştî ku çeteyên Colanî û komên çete yên girêdayî dewleta Tirk Reqayê kontrol kirin, hatibû dorpêçkirin. Bi rojane êrişên gelek dijwar li ser vê girtîgehê çêdibûn. Çeteyên DAIŞî yên di girtîgehê de jî gelek caran hewldan ji girtîgehê birevin, lê bi saya berxwedaniya bi rojan a şervanên YPG, YPJ û HSDê hewldan hatin têkbirin.
Li gor agahiyan şervanên Girtîgeha Eqtanê di çarçoveya lihevkirina aliyan de Girtîgeha Eqtan ku ji êrîşên çeteyên HTŞ û DAIŞê diparpastin vekişiyan Kobaniyê.
