Li Herêma Bakur û Rojhilatê Sûriyeyê dê 713 hezar û 554 xwendekar li 3 hezar û 647 dibistanan di serdema nû de bi Kurdî, Erebî û Sûryanî dest bi perwerdeyê bike.
Sala perwerde û fêrkirinê ya 2025-2026 li Herêma Bakûr û Rojhilatê Suriyeyê dê di 14 îlonê de bi 3 zimanan dest pê bike. Li gorî agahiyên ku Hevseroka Desteya Perwerde û Fêrkirinê ya Rêveberiya Xweseriya Demokratîk Semîra Hec Elî dane Ajansa Nûçeyan a Hawarê re parve kir, dê îsal li 3 hezar û 647 dibistanan, 713 hezar û 554 xwendekar û 35 hezar û 513 mamoste dest bi sala nû bikin.
Semîra Hec Elî diyar kir ku di çarçoveya nûkirina mufredat û materyalên dibistanan de, wana milyonek pirûk çap kirine û her pirtûkek ji wana jî dê wekî 3 kopiyên cuda werin çapkirin û got: “Bi giştî 4 milyon pirtûk dê bên çapkirin. Materyalên hatine nûkirin, bi zimanên fermî yên herêmê, ango bi Kurdî, Erebî û Suryanî hatine amadekirin. Îsal dê beşa duyemîn a materyalên sererastkirî ku balê dikişînin ser pêşxistina ramana rexnegir, perwerdehiya sivîl, zanist û ziman werin dayîn. Mafê her zarokekî/ê heye ku bi zimanê xwe yê dayikê fêr bibe.”
Semîra diyar kir ku 95 dibistanên ku koçber lê hatine bicihkirin, hîn nehatine valakirin û ev agahî dan “Li Tebqayê 32, Cizîrê 32, Reqayê li 31 dibistanan koçber hatine bicihkirin. Ji wan jî xebat tên meşandin.
