Îro danê sibehê dronek xwekuj ket li taxek bajarê Silêmaniyê. Hat destnîşankirin ku ji teqînê zarokek birîndar bû û zirara madî li malên welatiyan çêbûye.
Li gorî agahiyên nûçeya Rojnewsê îro danê sibehê li taxa Qalaw ya li başûrê bajarê Silêmaniyê, dronek xwekuj ket xwarê. Hat ragihandin ku piştî teqînê dengeke mezin derketiye, zarokek birîndar bûye û zirara madî li 6 malên derdorê çêbûye.
Duh bi şev heta saetên derengiya şevê êrişên bi dronan yên li ser bajarên Herêma Kurdistanê berdewam kirin. Duh şev bi droneke xwekuj li Otêl Dîvan ya li Hewlêrê û Fermandariya Hêzên 70’ê (hêzên Pêşmerge yên girêdayî YNK’ê) ya li Silêmaniyê ket. Piştî pêla êrişên îşev li ser Hewlêrê û Silêmaniyê, herî kêm şeş êrişên din hatin kirin û zerera êrişan nehate zanîn.
