Amedspor di maça dawî ya 1emîn Lîga Tranedyolê de bi Igdirsporê 3-3 wekhev ma. Piştî vê skorê Amedspor bû tîma duyemîn a ku derket Super Lîgê. Li gelek bajarên Bakurê Kurdistanê û Tirkiyeyê pîrozbahî dest pê kirin.
Amedspor di hefteya dawî ya Lîga 1emîn a Trendyolê ya TFFê de li deplesmanê bi Igdirsporê re 3-3 ma û derket Super Lîgê. Piştî ku maça Amedsporê qediya di serî de li Amedê û gelek bajarên bakurê Kurdistanê û Tirkiyeyê gel daketin qadan û dest bi pîrozbahiyan kirin.
AMED
Tîma Amedsporê, bi serkeftina li hemberî Igdirsporê re serkeftineke dîrokî bi dest xist û derbasî Super Lîgê bû. Bi sîfona dawî ya li Îdirê re, xewna bi salan bû rastî û Amedsporê navê xwe di nav tîmên herî mezin de nivîsand.
Amedspor a ku di nava demsalê de bi berxwedan û biryardariyeke mezin têkoşiya, îro li qada Îdirsporê derket lîstika “man û nemanê”. Tîma kesk û sor ku tenê ji bo serkeftinê daketibû qadê, bi lîstikeke profesyonel û bi piştgiriya dilê mîlyonan, rekîbê xwe têk bir û lîga şampiyoniyê morkir.
Ev serkeftina ku Amedsporê derxist lîga herî bilind (Super Lîg), li seranserê Kurdistanê û li her derê ku kurd lê dijîn, bi coşeke bêhempa tê pêşwazîkirin.
Hema ku encama maçê diyar bû, bi sed hezaran welatî li Amedê herikîn qadan. Ji Sûrê heta Peyasê, ji Baxlarê heta Kayapinarê dengê fîtik, kornayan û dirûşmên “Şampiyon Amedspor” li asîmanan deng veda. Bajêr îşev ranaze; gel bi govend û konvoyan vê serkeftina dîrokî pîroz dike.
Amedspor bi vê encamê re êdî ne tenê tîmeke lîga jêr e, lê wekî nûnerê mîlyonan kesî di Super Lîgê de ye.
STENBOL
Amedspor di hefteya dawî ya Lîga 1emîn a Trendyolê ya TFFê de li deplesmanê bi Igdirsporê re 3-3 ma û derket Super Lîgê. Piştî ku maça Amedsporê qediya di aligîrên Amedsporê li Stenbolê derketuna Amedsporê ya Super Lîgê pîroz kir. Alîgirên Amedsporê li taxên Beyoglûyê meşiya û li Qada Taksîmê şampiyontiyê pîroz kir.
Alîgirên Amedsporê ji ajansa me re axivîn. Alîgirên diyar kirin li dijî TFFê Amedspor bû şampiyon. Tîma gelê Kurd derket Super Lîgê.
WAN
Amedspor di hefteya dawî ya Lîga 1emîn a Trendyolê ya TFFê de li deplesmanê bi Igdirsporê re li Stadyûma Bajêr a Igdirsporê hate gel hev. Maç beranber xelas bû û Amedspor derket Super Lîgê. Ciwanên Wanê ku li Qada Bajêr a navçeya Rêya Armûşê di ekranên mezin de maç temaşe dikir, piştî xelasbûna maçê dest bi pîrozbahiyan kirin. Ciwanan fîşekên hewayî teqandin û di nava sûkê de bi dirûşman geriyan. Gelek welatiyan jî bi wesayîtên xwe konvoy çêkirin û serkeftina Amedsporê pîroz kirin.
Li gelek deverên bajêr pîrozbahî didomin.
ENQERE
Li navçeya Çankaya ya Enqereyê girse daket qadan û bi meşeleyan derketina Amedspor a Super Lîgê pîroz kirin. Girseyê bênavber dirûşmeyên, “Kî ne em Kurd in em”, “Şampiyon Amed” û “Kesk û Sor bijî Amed” berz kirin.
