Şandeya DEM Partiyê ya ku li Rûsyayê peywendiyên dîplomatîk didomîne, di nav wan de cîgirên Wezîrê Karên Derve jî hene bi gelek rayedaran re hevdîtin kir.
Buroya Çapemeniya ya DEM Partiyê derbarê şandeya ku ji Hevbedevka Komîsyona Têkiliyên Derve Ebru Gunay, Cîgirê Hevserokên Desteya Rêveberiyên Xwecihî yê Demokratîk Mehmet Ruştu Tiryakî, Hevberdevkê Komîsyona Aboriyê Sarûhan Olûç û Serokwekîla Koma DEM Partiyê Gulistan Kiliç Koçyîgît pêk tê, li Rûsyayê rêzehevdîtinên xwe ango serdanên xwe didomînin.
Hat ragihandin ku şande bi cîgirên Wezîrê Karên Derve yê Rûsyayê Aleksandr V. Grûşko û Mikhail L. Bogdanov re hevdîtinên cuda pêk anîn.
Di daxuyaniyê de wiha hat gotin: “Di hevdîtina bi Grûşko re geşedanên li Ewropa û DYAEyê, têkiliyên Tirkiye-Rûsyayê, geşedanên siyasî yên li Tirkiyeyê û bandora Banga Aştî û Civaka Demokratîk a 27ê Sibatê ya li ser polîtîkaya hundir û derve hatin nirxandin.”
Hat destnîşankirin ku di hevdîtina bi Bogdanov re jî geşedanên siyasî yên li Rojhilata Navîn bi taybetî li Sûriye û Iraqê, gavên dawî yên ji bo çareseriya demokratîk a pirsgirêka Kurd hatine avêtin, derfetên ku bi banga Rêber Apo hatine afirandin û ezmûnên rêveberiyên xwecihî û herêmî yên li Federasyona Rûsyayê hatin nirxandin.
Di dawiya daxuyaniyê de wiha hat gotin: “Şandeya me dê îro hevdîtinên xwe temam bike û vegere Tirkiyeyê.”
