Operasyona li Kampa Holê û derdora wê ya li dijî çeteyên DAIŞê hate destpêkirin, di roja sêyemîn de ye.
Li Kampa Holê û derdora wê operasyona ewlekariyê ya ku ji aliyê Hêzên Ewlekariya Hundirîn û Hêzên Ewlekariya Hundirîn-Jin ve li dijî şaneyên çeteyên DAIŞê hatiye destpêkirin, di roja sêyemîn de berdewam dike.
Li gorî nûçeya ANHAyê; Operasyona ewlehî û lêgerînê bi beşdariya YPJ û piştgiriya HSDê li beşên kampê dewam dike.
Hêzên Ewlekariya Hundirîn doh ragihandibû ku di operasyonê de, heta niha 16 çete hatin girtin. Her wiha 3 çekên kalaşnîkov, 2 demançe û gelek cebilxane jî hatine desteserkirin.
Kampa Holê ku 45 km li rojhilatê bajarê Hesekê ye, ji yek ji kampê herî xeternak li cîhanê ye. Tevî 13 hezar û 124 penaberên iraqê û 15 hezar û 805 koçberên sûriyeyî, 6 hezar û 385 jin û zarokên çeteyên DAIŞê li kampê dimînin.
