Ecevît Ozgul ku li Girtîgeha Tekîrdagê dihat ragirtin piştî 31 salan hate berdan. Ozgul li gundê xwe bi sirûda “Herne Pêş” hate pêşwazîkirin.
Ecevît Ozgul ku li Girtîgeha Tekîrdagê dihat ragirtin, piştî 31 salan hate berdan. Ozgul li Bazîd a Agiriyê bi girseyî hate pêşwazîkirin. Ozgul ku hefteyek berê ji Girtîgeha Tekîrdagê tehliye bûbû, îro gihişt warê xwe Bazîdê. Ozgul di têketina navçeyê de bi dirûşma “Bijî berxwedana zindanan” hate pêşwazîkirin û bi konveyeke wesayîtan derbasî gundê xwe Dizeyê bû. Ozgu li pêşiya mala xwe ya li gund ji hêla ciwanan ve bi sirûda “Herne Pêş” hate pêşwazîkirin û kêfxweşî û hestiyariya Ozgul balê kişand ser xwe.
Welatiyên ku li ber dahol û zirneyê govend gerandin bi çepik û tililiyan kêfxweşiya xwe nîşan dan. Ozgul li vir axaftineke kurt kir û got: “Piştî 31 salan, bi serbilindî vegerim nav gelê xwe. Em di destpêka pêvajoyeke nû de ne. Avakirina ‘Aştî û Civaka Demokratîk’ ji her tiştekî girîngtir e. Ji vir û şûnde çi bikeve ser milê me em amade ne bicih bînin.”
