Mêrdîn – Jinên ku di pêşengtiya TJAyê de li avahiya DEM Partiyê ya Mêrdînê li hev civiyan, pêvajoya heyî nîqaş kirin û wiha gotin: “Ev pêvajoya ku Rêberê Gelê Kurd Abdullah Ocalan pêş xist ji bo aştiyek mayînde û avakirina civakeke exlaqî û polîtîk derfetek mezine.”
Jinên Mêrdînê di pêşengtiya Tevgera Jinên Azad (TJA) de di çarçoveya “avakirina civaka demokratîk de rola jinan” de li avahiya DEM Partiyê ya Mêrdînê li hev civiyan û pêvajoya heyî niqaş kirin. Jinan diyar kirin ku ev pêvajoya ku Rêberê Gelê Kurd Abdullah Ocalan pêş xist ji bo aştiyek mayînde û avakirina civakeke exlaqî û polîtîk derfetek mezine û gotin ku divê jin û ciwan peywirên ku dikeve ser milê wan pêk bînin. Jinan ani ziman ku jin kirde û afirînerên vê jiyanê ne û gotin: “Em ê di vê pêvajoyê de xwe û derdora xwe bi rêxistin bikin, kolan bi kolan tax bi tax bigerin, komîn û Meclisên xwe ava bikin.”
Civîn bi çepik û durûşmeyan bi dawî bû.
