Siyasetmedara rastgir a Fransayê Marine Le Pen hikûmeta Fransayê û civaka navneteweyî bi zimaneke tund û eşkere rexne kir û piştgiriya xwe ya ji bo Kurdan diyar kir.
Seroka Partiya Eniya Niştimanî (RN) Marine Le Pen li ser hesabê xwe yê medya dijîtal Xê diyar kir ku ew şervanên Kurd ên ku bi wêrekî li dijî çeteyên DAIŞê şer kirin ji aliyê hikûmetên rojavayî ve hatin terikandin û paşguhkirin. Marine Le Pen di parvekirina xwe de Serokomarê Fransayê Macron ji ber siyaseta wî ya pêşwazîkirina cîhadistan bi tundî rexne dike.
‘Cîhadîst li Qesra Elyseeyê hatin rewakirin’
Marina Le Pen diyar kir ku Serokkomarê Fransayê Fransayê Emmanuel Macron bi siyaseta xwe islamîstên tundrew rewa kir û di berdewamiya vê siyasetê de pêkhateyên li Sûriyeyê hatin çewisandin. Le Pen dibêje, “heta îro çend berpirsên bilind ên cîhadîst li Qesra Elyseeyê bi xalîçeya sor hatin pêşwazîkirin?”
‘Kurdên wêrek dimirin’
Siyasetmedara Fransî Marina Le Pen destnîşan kir ku ew Kurdên ku bi wêrekî li dijî terorîstên DAIŞê şer kirin û DAIŞê têk birin. Le Pen got ku Fransa û civaka navneteweyî rûyên xwe li şervanên Kurd vegerand û wan terikandin ji ber vê jî îro ev mirov dimirin.
Marina Le Pen dipirse: “Mirov dikare li ser Emmanuel Macron careke din bibêje ku bi awayekî trajîk têk çû? Ew kesê ku paşxaneya wî bi kiryarên DAIŞ û El Qaîdeyê dagirtî li Qesra Elyseeyê pêşwazî kir.”
‘Berpirsê li Sûriyeyê Macron e’
Siyasetmedara Fransî biryarên dîplomatîk yên hikûmeta Fransayê wek siyaseta li dijî Kurd û pêkhateyên li Sûriyeyê pênase dike û dibêje, “Serokkomar Macron ji ber ku bi siyaseta xwe ya îslamîstên tundrew rewa kir ew berpirsê kiryarên li Sûriyeyê ye.”
