Li gelek bajar û bajarokên Rojavayê Kurdistanê bi sed hezaran Kurd li dijî komploya navdewletî û êrişên giran ên Hikûmeta Demkî û Tirkiyê daketin qadan û destnîşan kirin ku berdel çibe bila bibe dê heta misogerkirina azadî û statûyê li berxwedanê mezin bikin. Gelek siyasetmedar û hunermend di meş û mitîngan de axivîn û banga, “heta teqezkirina statû û azadiyê” mezinkirina têkoşînê kirin. Di axaftinan de berxwedan wekî tekane riya parastina mafan hate nîşan dan.
Li Rojavayê Kurdistanê bi boneya 1ê Sibatê Roja Piştevaniya Rojava ya Cîhanê, li bajarên Hesekê, Qamişlo, Dirbêsiyê, Amûdê, Girkê Legê, Dêrik, Til Temir û Zirganê meş tên li darxistin. Bi van meşan Rojavayê Kurdistanê dê peyama, “Berdêl çi dibe bila bibe dê heta misogerkirina azadî û statûyê têkoşîn bê mezinkirin” ji cîhanê re bê ragihandin.
Li Qamişlo deh hezaran dest bi meşê kir
Li Qamişlo meşa mezin dest pê kir. Girseya ji deh hezaran pêk tê di seatên zû de li Çerxerêya Sonî hatin ceme hev. Girseya rengên Kurdistanî yên kesk, sor û zer bilind kirin, posterên şehîdan hildan. Di meşê de pankartên balê dikişînen ser mezinkirina têkoşîn û berxwedanê hatin vekirin û sloganên, “Bijî Kurdistan”, “Bijî YPG”, “Bijî YPJ”, “Yek e yek ye Kurd yek e”, “Rojava Rojhilat e Kurdistan yek welat e” û “Bijî Serok Apo” hatin berzkirin.
Dengê sidûra neteweyî Ey Reqîb û merşên şoreşê olan dide
Di meşê denge sirûda neteweyî Ey Reqîb û merşên li ser şoreşa Rojavayê kurdistanê ji qada meşê bilind dibe. Meşvanên bi yek dengî û yek zimanî tevî gotina merşan dibin, peyama yekîtiya neteweyî ji cîhanê re radigihînin. Welatî bi slogana, “Bijî yekîtiya gelê Kurd” bi coş û peroşek mezin meşê dom kir.
Hêzen ewlehiyê tedbîrên berfireh girtin
Di meşan de li dijî îhtîmala bûyerek neyînî ewlehiye berfireh hate girtin. Hêzen asayîşê li ser riyên meş lê derbas bibe, wezîfedar bi cih kirin. Her wiha li tevahiya bajar jî bi heman amancê tedbîrên ewlehiyê hatin zêdekirin.
Hunermend rengê xwe didin meşê
Hunermendên Kurd ku di çarçoveya seferberiya neteweyî de ji Ewropayê berê xwe dabûn qadên şoreşê jî cihê xwe di meşê de girtin. Hunermend Diyar Dêrsim, Hozan Şemdîn, Gulbahar Rehîm, Loqman Salim Fetah û Rênas Sedî bi gelê xwe re gav bi gav dimeşin. Her wiha nivîskar Kakşar Oramar û lîstikvanê fitbolê Denîz Nakî, rojnameger Danyal Cemîl û gelek kesên din ên navdar tev li meşê bûn.
‘Me nirx bi destên xwe avakirin emê biparêzin’
Piştî meşê li Qada Şehîd Rûbar mitîng hate lidarxistin. Piştî deqeyek rêzgirinê ji bo giyanê şehîdan Hevseroka TEV-DEMê Remziye Mihemd bangî girseyê kir. Remziye Mihemed diyar kir ku ev meş a rûmetê ye û wiha got: “Silav ji bo gelê me yê Başûr, Bakur, Rojhilat ku îro li Rojava ne. Silav ji Kurdên li diyasporayê re. Meşa me ji bo parastina nirxên me yên Şoreşa Rojava ne. Ji bo piştgiriya hêzên me ne, hebûna me YPJ û YPG ne. Me bi destê xwe avakirin û em ê biparêz in.”
Karamûs: Erka sereke pêkanîna yekîtiyê ye
Piştre Hevserokê KNKê Ehmed Karamûs silav li gelê Kurd û berxwedêrên Rojava, Silêmanî, Hewlêr, Dihok, Amed û tevahî Kurdistanê kir û wiha axivî: “Cihê ku Kurd lê hene, berxwedana ji bo Rojava lê heye. Gelê Kurd we bi berxwedana xwe we cîhan rakir ser piyan. Erkek mezin dikeve ser gel û partiyên siyasî ku yekîtiya Kurd pêk bînin. Ji derveyî yekîtiya gelê Kurd kes nikare destkeftiyên Kurdan biparêz e. Em ne Kurdên 50 salî ne, êdî çand, nasname û hebûna xwe diparêz in. Em bi YPJ û YPGê bawerin.”
‘Rojava Kurd kirin yek’
Hunermed Diyar Dêrsim jî gelê Kurd ê berxwedêr silav kir û wiha wiha domand: “Em bejna xwe li ber berxwedana we ditewînin. We nîşanî tevahî cîhanê da ku gelek çawa dikare vîna xwe biparêz e. We Kurd kirin yek. Rojava malbatê şehîdan e. Dibe ku tang û topên hêzên dijber hebin, lê ya me vîna me heye. Emê xwe li her cihî biparêz in.”
Hozan Şemdîn bi stranê berxwedan silav kir
Hunermed Şemdîn jî strana “Eva dinya pir mezin e” diyarî berxwedana gelê Kurd kir. Girseyê ligel Hozan Şemdîn şemdin stran got û peyama berxwedanê da. Hunermed Loqman ku ji Silêmaniyê hatiye Rojava jî berxwedana gelê Rojava silav kir û got: “Îro gelê Başûr li ser piyan in. Gel bêwestan ji bo Rojava li kolanin. Me hertim gotiye Roj ji Rojava derdikeve. Em hêvî ku çawa gelê Kurd yekgirtiye, divê partiyên siyasî yên Kurd jî dest bidin yek.” Mitîng bi axaftinan berdewam dike.
Amûdê bi qêrina ‘serhildan jiyan e’ dest pê kir
Bejarek din ê kum eşek bi heybet hat eli darxistin jî Amûdê ye. Ji 7ê heta 70 salî tevahiya gelê Amûdê ji bo qêrina azadî û statûyê li Qada Jina Azad hatin cem hev. Zarok, ciwan, jin, mêr, pîr û kalên kesk, sor û zer bilind kirîn dest bi meşa nava bajar de kirin. Girse di bin tedbîrên berfireh ên hêzên ewlehiyê de bi sloganên dilsoziya wan bi Kurdistan, yekîtiya gelê Kurd, YPG, YPJ, HSD û şoreşa Rojava re tîne ziman berz dikin. Di meşê de posterên şehîdan hatin vekirin û sloganên, “Bijî Kurdistan” û, “Biji Serok Apo” hatin gotin. Meş li qada Şehîd Cîhad veguherî mîtîngê û deqeyek rêz hat girtin. Rêveberê Dibistanan Hena Xalid berxwedan gel û hêzên ewlehiyê silav kir û wiha got: “Gelê Kurd bi çanda xwe ya aştiyê tê naskirin û hîna ji bo aştî û aramiyê têkoşînê dike. Lê hin aliyan rêya şer û wêraniyê hilbijartine.” Mitîng biç epik, slogan û sirûdan bi dawî bû.
Dirbêsiyê soz da cangoriyên xwe
Navnîşanek din a ku gelê daketiye qadan jî Dirbêsiyê ye. Girseya li Qada Jina Azad kom bûyî, pêşiyê al, poster û rengên Kurdistanî bi ba xistin. Sirûda neteweyî û merşên şoreşê bi yek dengî hatin xwendin. Girseyê bi çepik, slogan û gotina merşan dest bi meşê kir. Rêveberê Tev-Demê Silêman Xelîl axivî û da zanîn ku seferberî û têkoşîna rewa hîna dewam dikin û ev li gotinên xwe zêde kirin “Em ê li ser şopa şehîdan û xeta neteweyî berxwedanê bidomînin, ta mafên xwe yên rewa mîsoger bikin. Berxwedan vebijêrka me ya yekane ye.” Meş bi berzkirina silavkirina berxwedana Rojava û yekitiya gelê Kurd bi dawî bû.
Girkê Legê: Berxwedan didome
Navendek din a meşê jî Dêrik bû. Şêniyên bajarê Girke Legê, Rimêlan û gundewarên wê meşek li dar xist. Meş ji qada Şehîd Xebat bi rakirina alên al û rengên Kurdistanî dest pê kir. Piştî deqeyek rêzgirtinê li ser giyana şehîdan Hevserokê Meclisa Gelan a Bakur û Rojhilatê Sûriyeyê Kenan Berekat axivî û wiha got: “Gelê Kurd di pêvajoyeke dîrokî ya hesas re derbas dibe. Gelê Kurd bi hêz, yekitî û destekdayîna hêzên xwe yên leşkerî hemû hewldanên qirkirina gelê Kurd têk birin.” Bereket xwest ku herkes di vê deme de baldar be.
Meş bi dirûşmeyên “Bijî berxwedana Rojava” û “Bijî yekitiya Kurdan” bi dawî bû.
Li Dêrikê biryardariya vala derxistina komploya navneteweyî
Li bajarê Dêrikê bi hezaran kes li Qada Azadî ya Bajar gihiştin hev. Girseyê pankarta, “Bijî berxwedana Rojava” û “Bijî yekitiya Kurdan” vekir, bi çepik û stranan dest bi meşê kir. Meşê heta ber Navenda Ciwanan a Şehîd Bawer berdewam kir û liv ir veguherî mîtîngê. Piştî deqeyek rêzgirtinê endamê Tevgera Civaka Demokratîk (TEV-DEM) Ebduselam Ehmed axivî û wiha got: “Şoreşa Rojava û fedakariya şehîdan yekitiya gelê Kurdistanê çêkirin. Gelê Kurd ji bo deskeftiyên Şoreşa Rojava biparêzin rabûn ser xwe û li qadan e. Divê em têkoşîna xwe berdewam bikin heyanî ku hemû komployên navneteweyî yên li dijî gelê Kurd têk bibin.”
Mîtîng bi dirûşmên “Bijî berxwedana Rojava” û “Bijî yekItiya gelê Kurd” bi dawî bû.
Li Zirgan û Til Temir soza têkşoşînê hat dayîn
Li Til Temir û Zirgan jî bi heman armancê meş pêk hatin. Girseyên xwe bi rengên Kurdistanî dixemilandin bi çepik, slogan û gotina merşên şoreşê helwest û daxwazên xwe anîn ziman. Gel bi sloganan dilsoziya xwe bi şoreşa Rojava re anîn ziman û peyama parastina şoreşê dan. Di axaftinên li ser navê girseyê hatin kirin de bang li çar perçeyên Kurdistanê, dîasporayê û dostên Kurdan hate kirin ku têkoşînê zêdetir bilind bikin. Her wiha axaftvanan hişmendiya neteweya demokratîk wekî tekane riya jiyana hevpar pênasekirin. Meş bi çepik û sloganan bi dawî bû.
Hesekê destûr israra berxwedanê dubare kir
Li Hesekê bi heman armancê meş û daxuyanî pêk hat. Girseya rengên Kurdistanî yên kesk, sor û zer bilind kirin, posterên şehîdan hildan. Di meşê de pankartên piştgiriya YPG û YPJê dikin hatin vekirin û sloganên, “Bijî Kurdistan”, “Bijî YPG”, “Bijî YPJ”, “Yek e yek ye Kurd yek e”, “Rojava Rojhilat e Kurdistan yek welat e” û “Bijî Serok Apo” hatin berzkirin.
Meş di bin derbîrên ewlehiyê de pêk hat
Gelê tev li beşê bûyî bi yek dengî sirûdên şoreşê gotin. Rengên kesk, sor û zer ên bi boyaxê li ser rûyê zarokan hatine xêzkirin, dîmenek ku bal kişand ser xwe. Li hemberî îhtîmala êrişan hêzên ewlehiyê hem li bajar hem jî li ser rêgeha meş û qada mitîngê ewlehiyek berfireh girtin. Meş û mitîng di bin sêwana parastina hêzen ewlehiyê de bi aramî pêk hat.
Hesekê bingeha sereke ya parastinê ye
Li vir gelek siyasetmedar û rayedaran axaftin kirin û balkişandin ser lîstikên li dijî Hesekê û rojavayê Kurdistanê. Endamê Konseya Hevserokatiya Partiya Yekîtiya Demokratîk Aldar Xelîl hîtabî girseyê kir û balkişand ser lîstikên li ser Rêveberiya Xweser û Rojavayê Kurdistanê tên meşandin. Xelîl derbirî ku hewildan ji derxistina şerek navxweyî heye û xwest ku hemû pêkhate li hemberî van lîstikên emperyalîst hişyar bin.
Têkoşîn encamê diyar dike
Xelîl berxwedana gelê Kurd li çar aliyên Kurdistanê, dîasporayê û dostên Kurdan ên li tevahiya cîhanê bi bîr xist û anî ziman ku tekane riya parastina nirxên şoreşê mezinkirina têkoşînê ye. Xelîl peymana di navbera HSD û Hikûmeta Demkî jî destnîşan kir û got ku pêvajoyek nû ya siyasetê destpêkiriye lê tişta encamê diyar dike têkoşîn, rêxistinbûn û berxwedan e.
