Wezareta Karên Derve ya Iraqê bi daxuyaniyekê ragihand ku ew pêşwazî li lihevkirina di navbera Hêzên Sûriyeya Demokratîk (HSD) û hikûmeta demkî ya Sûriyê de dike.
Daxuyanî û piştgiriyên ji bo peymana di navbera HSD û hikumeta demkî ya Sûriyeyê ku di 30’ê Çileyê de pêk hatibû berdewam dikin.
Wezareta Karên Derve ya Iraqê derbarê lihevkirina di navbera HSDê û Hikumeta Demkî ya Suriyeyê de daxuyaniyek belav kir.Di daxuyaniyê de lihevkirin bi erênî hat pêşwazî kirin û wiha hate gotin: “Lihevkirin nûnertiya pêngavek erênî dike, wê ev yek bandorê xwe li hemû guftugo û lihevkirinên di navbera hemû aliyên Suriyeyê de bike. Mîsogerkirina parastina mafên hemû pêkhateyan ya di nava saziyên dewletê de û li ser bingeha hemwelatîbûn û jiyanek aştiyane gelek girînge.”
Wezaretê di daxuyaniya xwe de ragihand ku ew girêdayî piştgiriya ewlekarî û aramiya li hermê û çareseriya siyasîne, ji ber ku şer tenê dibe sedema qurbaniyan û got: “Lihevkirin yekgirtina saziyên Îdareya Rêveberiya Xweser bi saziyên Suriyeyê re mîsoger dike. Ev yek jî aramiyê bihêz dike û piştgiriyê dide pêvajoya çareseriya siyasî ya li Suriyeyê.”
