Komên Hikumeta Demkî ya Sûriyeyê ligel Peymana 29ê Çile jî ambargo û dorpêça li ser Kobaniyê ranake. Li gorî çavkaniyan dorpêça li bajar jiyana welatî û bi taybetî zaroken dixe xeterê ji hêla Şam û Enqereyê ve bi awayek hevpar tê meşandin.
Dorpêça ji hêla komên Hikûmeta Demkî ya Sûriyê ve li ser Kobaniyê hatiye danîn dikeve 39an. Komên tundiraw riyên dikevin Kobaniyê girtine u destûr nadin alîkariyên ji derve tên bikevin bajar. Gelek pirsgirêkên jiyanî, aborî û tenduristiyê li bajar tên jiyîn. Bi taybetî dorpêçê bandoreke neyînî ya rasterast li qada tenduristiyê dike. Derman û pêdiviyên bijîşkî li nexweşxaneyan derketine holê û bi taybetî dermanên nexweşiyên giran gelekî kêm bûne.
Pêdiviyên zarokan nayên peyda kirin
Encamek din a herî xeter jî bandorê li zarokan dike. Peydanebûna şîrê zarokan, tunebûna alternatîfan û belavbûna diyardeya nebaşiya xurekê jiyana bi sedan pitikan dixwe xetereyê.
Tunebûna sotemeniyê jiyanê dixe xeteriyê
Di heman demê de tunebûna sotemeniyê û paşketina xizmetên ceyran û avê zehmetiyên nêzî 600 hezar şêniyan, bi taybet koçberan, zêdetir kiriye. Ji ber qediyana stokên sotemeniyê welatî zehmetiyên gelek mezin dikişînin. Ev yek dibe sedema pirsgirêkên tenduristiyê û nexweşiyên cur bi cur.
Banga vekirina korîdorê
Welatiyên li Kobanê banga lezgîn a vekirina korîdorên mirovî ji bo derbasbûna alîkariyan dikin û diyar dikin ku dorpêç binpêkirina qanûnên mirovî ye û jiyana şêniyan dixe metirsiyê. Rayedaran jî daxuyand ku derfetên heyîn ji bo xizmeta hemû welatiyan bikar tînin lê hindî diçe derfet jî kêm dibin. Welatiyan û rayedaran balkişandin ser encamên xeter ên dorpêçê û banga vekirina korîdora mirovî kirin. Her wiha ji gelê Kurd hate xwestin ku rewşa Kobaniyê di rojevê de bihêlin û hewildanên xwe mezin bikin.
Tirkiye dorpêçê dide domandin
Rayedarên Kobaniyê anî ziman ku heta niha gelek caran di çarçoveya Peymana 29ê Çile de bi rayedarên Hikûmeta Demkî de hatine cem hev û ev rewş nîqaş kirine. Rayedaran anîn ziman ku rayedarên rejîma Şamê di gotinê de rakirina dorpêçê qebûl dikin lê di pratîkê de gav naavêjin. Rayedaran bandora Tirkiyê ya li ser rejîma Şamê destnîşan kir ku anîn ziman ku Şam wekî sedema domandina dorpêçê wekî Tirkiye îma dike. Rayedaran anî ziman ku israra Tirkiyeyê ya di domandina dorpêçê de diyarkere lê Hikûmeta Demkî jî ji vê yekê aciz nîne û bi awayek hevpar vê polîtîkayê didomînin.
