Li Amed û Stenbolê bi hezaran karker û kedkar li qadên mîtîngan kom bûn û daxwazên xwe anîn ziman.
Amed
Mitînga 1ê Gulanê ku di pêşengtiya KESK, DÎSK, TMMOB û Odeya Bijîjkan a Amedê li Amedê tê lidarxistin dest pê kir.
Mitînga 1ê Gulanê ku di pêşengtiya Konfederasyona Sendîkayên Kedkarên Cemaweriyê (KESK), Konfederasyona Sendîkayên Karkerên Şoreşger (DÎSK), Lijneya Kordînasyona Bajêr a Amedê ya TMMOBê û Odeya Bijîjkan a Amedê de tê lidarxistin bi dirûşma “Ji bo Azadiya Kedê û Civaka Demokratîk Di 1ê Gulanê de Em li Qadan in” li Qada Îstasyonê ya Amedê dest pê kir. Beriya mitîngê nûnerên çapemeniya azad, saziyên sivîl ên civakî, partiyên siyasî, şaredarî û gelek kes bi ji xaçerêya semta ofîsê ya navçeya Yenîşehîrê ya Amedê bi kortejê ketin qada mitîngê. Di kortejê de pankartên “Çapemeniya Azad Civaka Azad” , “Em bi pêşengiya keda jinê siberojan ava dikin” , “Em ji bo azadiya kedê û civaka demokratîk em amade ne” , “Em rê nadin kedxwariyê, têkoşînê bidomînin” , “Ji bo azadiya kedê aştî û civaka demokratîk” , “Rihê Şoreşger ê 1ê Gulanê rêya me ronî dike” hatin hilgirtin û dirûşmên “Bijî 1ê Gulanê” , “Bê Serok Jiyan Nabe” , “Bijî Çapemeniya Azad” , “Jin jiyan azadî” , “Bijî Yekitiya Karkeran” , “Bijî Azadiya Jinan” “Zimanê me rûmeta me ye” , “Bêziman jiyan nabe” hatin berzkirin.
Di mitîngê de Hevserokê Giştî yê DEM Partiyê Tûncer Bakirhan, Hevserokê Giştî yê KESKê Ahmet Karagoz û endamê Konseya Navendî yê Yekitiya Bijîjkan a Tirk (TTB) Şerîf Demîr dê weke axivêr biaxivin.
Stenbol
Gelek partiyên siyasî, saziyên sivîl û rêxistinên civakî ji bo mîtînga 1ê Gulanê dest bi meşe kirin û bi girseyî diherikin qada mitinge. Bi pêşengiya Konfederasyona Sendîkaya Karkerên Şoreşger (DÎSK), Konfederasyona Sendîkayên Kedkarên Cameweriyê (KESK), Yekitiya Bijîşkên Tirk (TTB) û Yekitiya Odeyên Endezyar û Mîmarên Tirk (TMMOB), bi minesebeta 1ê Gulanê Roja Kedkar û Karkerên Cihanê bi dirûşmeya, “Ji bo ked, edalet, azadî û demokrasiye em ê bi serbikevin” li Qada Rihtimê ya navçeya Kadikoyê ya Stenbolê mîtîngek tê li darxistin.
Partiyên siyasî, sendîka û rêxistinên civakî beriya mîtîngê li Sogutlucesme ya navçeya Kadikoyê kom bûn. Girseyê ku bi kortejan tevlî mîtîngê bû beriya meşe li vir govend gerandin û stran gotin. Piştrê jî girsê bi pankart û bi kortejan meşiyan qada mîtîngê. Girsê di meşê de bê navber dirûşmeyên, “Yekitiya karkêran wê sermiyanan têk bibe”, “Bijî Yek Gulan”, “Bijî Serok Apo”, “Bi heza kêde ber bi Civaka Demokratîk” dimeşin qada mitinge.
Piştî girse li qadê kom bû mîtîngê bi axaftinan dest pê kir.
