Di çarçoveya Hefteya Mafên Mirovan de bi welatiyên astengdar re kargehek hat lidarxistin û nebûna polîtîkayên astengdaran ên saziyên sivîl hatin rexnekirin.
Di çarçoveya 77emîn Hefteya Mafên Mirovan a Cîhanê de li Eywana Tahîr Elçî ya Baroya Wanê bi welatiyên astengdar re kargehek hat lidarxistin. Di kargeha ku bi hevkariya Komeleya Mafên Mirovan (ÎHD), Weqfa Mafên Mirovan a Tirkiyeyê (TÎHV), KESK, TMMOB, OHD û Odeya Bijîşkan a Wan-Colemêrgê pêk hat de pirsgirêkên astengdaran hatin vegotin û mijara di pêşîlêgirtina biçûkdîtina astengdaran de rola saziyên sivîl hat nîqaşkirin.
Welatiyên astengdar pirsgirêkên xwe yên ku rojane dijîn anîn ziman û bi endamên saziyên sivîl re li ser çareserkirina van mijaran axivîn. Ji aliyê gelek mijaran ve astengiyên li pêşiya astengdaran hatin axivîn û hat destnîşankirin ku her tişt bi mejî û hişmendiyê ve girêdayî ye. Li ser nebûna polîtîkayên astengdaran ên saziyên sivîl jî nîqaş hatin meşandin û helwesta saziyan hat rexnekirin.
Her wiha rola medyayê jî hat vegotin û nêzikiya medyayê ya li hember astengdaran jî hat rexnekirin.
