Amed – Rojnameger û Seroka MKGê Roza Metîna, bal kişand ser astengî û qedexeyên li dijî hesabên X yên çapemeniyê û got: “Qedexekirina hesabên çapemeniya azad, tirsa AKPê ya li hemberî çapemeniyê nişan dide. Li dijî van qedexeyan rihê yekîtiyê dê me bibe serkeftinê.”
Zextên li ser çamemeniyê bi rê û rêbazên cuda berdewam dike. Herî dawî Saziya Agahiyên Teklnolojiyê û Ragihandinê (BTK), bi hinceta “Ewlehiya mîllî û nîzama cemaweriyê” hesabên platforma medya tijîtal ên Xyê yên Rojnameya Yenî Yaşamê, Ajansa Nûçeyên Etkînê (ETHA), TJA, Meclisa Jinan a DBPê asteng kir. BTKê heta niha hesabê X yê Yenî Yaşamê 4 caran, hesabê Xyê yê ETHAyê jî 6 caran asteng kir. Têklidarî astengiyan Seroka Komeleya Rojnamegerên Jin a Mezopotamyayê (MKG) Roza Metîna anî ziman ku li dijî êrîşan berîva herî mezin yekîtî û tifaq e.
Rojnameger û Seroka MKGê Roza Metîna, têkildarî rista çapemeniyê û sedema astengiyên li ser çapemeniya azad nirxand û got: “Çapemenî bi xwe xwediyê roleke girîng e. Di warê ragihandina heqîqetê de li cihekî taybet disekine. Bi taybet çapemeniya azad bi berdêlên mezin gihaştiye heta asta îro.”
Roza Metîna li ser êrîşên li dijî çapemeniyê jî rawestiya û wiha axivî: “Ji ber rola çapemeniyê ya girîng çapemenî her tim bûye hedef. “Îktidaran her tim ji bo belavkirina birdoziya xwe û kontrolkirina civakan çapemeniya azad kirine hedefa xwe. Niha pêvajoya ‘Aştî û Civaka Demokratîk’ a bi banga Rêberê Gelê Kurd Abdullah Ocalan dest pê kiriye dewam dike. Lê ji aliyekî jî êriş dewam dikin. Êriş ne li gor rihê vê pêvajoyê ne. Loma jî astengkirina hesabên Xê yên mîna JINNEWS, ETHA û Yenî Yaşamê jî di heman demê de tirsa rejîma AKPê ya li dijî çapemeniyê jî nîşan dide. Di heman demê de jî tirsa li hemberî îradeya azad a jinê ye.”
Roza Metîna, herî dawî li ser sedema qedexeyên hesabên X yê TJA û Meclisa Jinan jî rawestiya û got: “Astengiyên li ser înternetê di heman demê de li dijî Meclîsa Jinan a DBPê û TJAyê jî ketin meriyetê. Hesabên wan ên Xê hatin astengkirin. Ev êrişeke eşkere ya li dijî meş, gotin û têkoşîna jinan a bi salan e. Li dijî êrişên bi vî rengî jî bersiva herî xurt tevdîr û tifaqa di navbera Gelê Kurd de ye. Rihê yekîtiyê wê me bibe serkeftinê.”
