Roja dawî ya 11emîn Mihrîcana Şanoyê ya Amedê bi lîstika “The Letter” dest pê kir. Piştî lîstikê xelat diyarî lîstikvan Paolo Nanî hate kirin.
11emîn Mihrîcana Şanoyê ya Amedê di roja dawî de bi hemû coşa xwe didome. Di roja dawî ya mihrîcanê de lîstika ku Paolo Nanî dilîze û Nullo Facchînî derhêneriya wê kiriye, îro saet di 15:30an de li Salona Şanoyê ya M. Emîn Yalçinkaya hat nîşandan. Ev lîstik 60 deqîqeyan didome û bi şêweyê “Performans” bêpeyv hat lîstin. Piştî listikê hunermendê Kurd Hudbettin Sadiki ji bo xelat dayînê der ket ser dikê û xelat da Paola Nanî.
Bi vê lîstikê re bernameya roja fînalê ya mihrîcanê dest pê kir.
