Civînên gel li navend û navçeyên Amed, Riha, Êlih, Dêrsim û Agiriyê berdewam kir. Di civînan de beşdarên civînan diyar kirin ku ji bo karibin paradîgmaya Rêberê Gelê Kurd Abdullah Ocalan têxin meriyetê divê paradigmayê baş fam bikin û xwestin xebatên rêxistinbûnê xurt bikin.
Di çarçoveya perspektifa banga Rêberê Gelê Kurd Abdullah Ocalan a “Aştî û Civaka Demokratîk” de, li navçeyên Erxenî, Pasûr, Farqîn û Yenîşehîrê civînên gel hatin li darxistin. Civîn li navenda navçeya Erxenî, gundê Mîlika yê navçeya Pasûrê, parka Koşuyolu ya Navçeya Yenîşehîrê û gundê Tirbêsibiyê yê navçeya Farqînê ya Amedê bi tevlêbûna sedan kesan pêk hatin. Li navçeya Erxeniyê polîsan bi hinceta li pankartê logoya TJAyê heye girtek girtin û xest kesê pankart vekiriye li Midûriyeta Polisan îfade bide.
Li navçeya Bazîdê ya Agiriyê, navenda Agirî, navçeyên Kercews û Qûbînê yên Êlihê, navçeya Pertegê ya Dêrsimê û navçeyên Pirsûs, Berecûk, Wêranşar û Sewêreg ên Rihayê civînên gel hatin lidarxistin.
Di civînan de dîsa pêvajo hat nirxandin û der barê banga Rêberê Gelê Kurd Abdullah Ocalan de agahdarî hat kirin. Di civînan de beşdarên civînê jî nirxandin kirin û gotin: “Rêberê Gelê Kurd Abdullah Ocalan bi komploya navdewletî radestî Tirkiyeyê hat kirin û piştî wê li Rojhilata Navîn şerê sêyemîn ê cîhatê pêş ket.” Beşdaran da zanîn ku ew paradîgmaya Rêberê Gelê Kurd Abdullah Ocalan pêvajoya baş fam nakin û ji ber vê yekê teorî û pratîka wan nabe yek. Beşdaran bibîr xistin ku rêveber û pêşengên gel ji gel qut in û divê ji niha û şûnde vê kêmasiyê derbas bikin.
Welaiyan xwest teorî û pratîk hev temam bike û rêveber di nava gel de têkiliyê xurt bikin. Welatiyan xwest xebatek xurt û bi nîtelîk bê meşandin û gotin “Divê hevdîtin û temasên gel her dem bidomin û têkilî qut nebe. Divê yekîtî, tifaq û rêxistina xwe xurt bikin. Divê êdî kes berjewendiyên tekasesî dernexin pêş û her kes civakî tev bigere.”
