Bi hezaran kesên li deriyên ketina qada Newrozê kom bûyî dest bi ketina qadê kirin. Gel kom bi kom û bi slogana, “Bijî Serok Apo” dikeve qada Newrozê. Qad bi posterên Abdullah Ocalan hate xemilandin.
Ketina qadê ya Newroza Amedê ku tê payîn zêdeyî milyonek kes tev lê bibe, dest pê kir. Girseya li çar deriyên qadê kombûyîn dest bi ketina qadê kirin. Welatiyên di seatên sibê de bi kinc û bergên neteweyî ketin ser riya qada Newrozê bi seatan li ber deriyan rawesetiyan. Girseya li vir rawestiya li ber dahol û zirneyê govend girêdan û sloganên, “Bê Serok jiyan nabe”, “Bijî Serok Apo” û “Newroz pîroz be” avêtin. Piştî vebûna deriyan ketina girseyê ya qadê dest pê kir. Ligel destpêkirina ketina qadê jî girseyek mezin hêj li ber deriyan disekine û hejmar hindî diçe zêde dibe.
Posterên Abdullah Ocalan hatin daliqandin
Qada Newrozê ku di şevê din de bi rengên kesk, sor û zer û posterên Rêberê Gelê Kurd Abdullah Ocalan hatin xemilandin, alên DBP û DEM Partiyê hate xemilandin, dê pêşwaziya ji milyonekê zêde mirovan bike. Li qadê bi dehan posterên Abdullah Ocalan hatin vekirin. Her wiha zêdeyî 400 rojnameger, sazî û dezgehên çapemeniyê dê Newrozê bişopînin. Ji welatên Ewropa, Rojhilata Navîn û gelek deverên din ên cîhanê gelek şande tev li Newrozê dibin.
Li qadê rengê cangoriyan diteyîse
Îsal li gel posterên Rêberê Gelê Kurd Abdullah Ocalan, posterên Endamê Konseya Hevserokatiya PYDê Salih Muslim ku di 11ê Adarê de jiyana xwe ji dest da, Rahşan Demîrel, Zekiye Alkan û şehîdên Newrozê li qadê hatin daliqandin. Her wiha postera Kemal Kurkut ku di sala 17an de ji hêla polîsan ve hate qetilkirin, hate daliqandin.
Bi slogan û tîlîliyan ketina qada Newrozê berdewam dike.
