Li Stenbolê Newroza “Azadî û yekitiya Demokratîk” bi tevlîbûna milyonan kesan destpêkir. Pîrozbahî ji bo cangoriyên azadiyê bi deqîqeyeke rêzgirtinê destpêkir.
Pîrozbahiya Newroza Stenbolê ya ku îsal bi dirûşmeya, “Azadî û Yekitiya Demokratîk” tê lidarxistin dest pê kir. Bi hezaran kes bi cil û bergên xwe yên neteweyî, al û filameyan kesk, sor û zer tev li pîrozbahiyê Newrozê bûn. Pîrozbahî ji bo cangoriyên têkoşîna azadî û demokrasiyê bi deqîqeyeke rêzgirtinê dest pê kir û dirûşma “Şehîd namirin” hate berzkirin. Girse li qadê dirûşmeyên, “Bijî Serok Apo”, “Jin jiyan azadî”, “Yek e yek e yek e Kurdistan yek e” berz dike. Qada Newrozê bi dengê dirûşman olandide û bi rengên ji hev xweşiktir xemilî ye. Pêştî koma ribabê derket ser dikê, bi hezaran kes govendê digerînin.
Piştre jî Hevserokên DEM Partiyê yên Stenbolê Arîfe Çinar û Çinar Altan dê derkevin ser dikê û girseyê silav bikin.
Di pîrozbahiyê de siyasetmedarê Kurd Çetîn Arkaş, Hevseroka Giştî ya DEM Partiyê Tulay Hatîmogullari, Hevberdevka HDKê Meral Daniş Beştaş, aktivîsta Tevgera Jinên Azad (TJA) Sebahat Tuncel, Serokê Wekhev ê Konfederasyona Yekîtiya Elewiyên Demokratîk Huseyîn Mat dê di pîrozbahiyê de biaxivin.
Hunermend Suavî û Koma Amed jî dê derkevin ser dika Newrozê û stranan bêjin.
