Di êrişa duh ji hêla Îsraîlê ve li Libnanê pêk hatî de herî kêm 250 kesan jiyana xwe ji dest da û bi hezaran kes birîndar bûn. Bi taybetî li Beyrûdê bi dehan bîna hatin hilweşandin û bajar vegeriya qada şer.
Di dema agirbesta du hefteyan a di navbera DYA û Îranê de ket meriyetê, artêşa Îsraîlê li dijî Libnanê bombebaranek giran pêk anî. Di êrîşên dawî yên piraniya wan li Beyrûtê pêk hatin de, zêdetirî 250 kesî jiyana xwe ji dest dan.
Êrîşên li ser Beyrûtê û agahiyên dawî
Li gorî agahiyên dawî balafirên şer ên Îsraîlê bi awayekî ketûber taxên Beyrûtê û gelek deverên Libnanê bombebaran kir. Di encama van êrîşên dijwar de, bîlançoya miriyan ji 250 kesî derbas bû û bi hezaran kes jî birîndar bûn. Ev êrîş wekî derbeya herî giran a Îsraîlê ya heta niha tê binavkirin.
Îran: Muzakereyên bi Washingtonê re ‘maqûl nînin’
Piştî van êrîşên dijwar, ji Tehranê daxuyaniyeke tund hat. Rayedarên Îranê diyar kirin ku ji ber zêdebûna êrîşên Îsraîlê, di vê demê de berdewamkirina muzakereyên bi Washingtonê re maqûl nînin. Hate destnîşankirin ku êrîşên di dema agirbestê de, hewldanên dîplomatîk bêwate dike.
DYA heta niha li hemberî van êrîşên ku di bin sîwana agirbesta wan de pêk hatine, bêdengiya xwe diparêze.
