Rêberê PKKê Abdrullah Ocalan di hevdîtina parêzeran a 06ê nîsana 1999an de peyamên ji bo çareseriyê dabû û wiha gotibû: “Eger li hevkirin nebe, dê di sedsala 21an de şer serdest be.”
Rêberê PKKê Abdullah Ocalan di hemû hevdîtinên xwe yên bi parêzer, malbat û şandeyan re her tim ji bo çareseriya aştiyane û demokratîk û aştiya civakî peyam şandine. Dema mirov li peyam û gotinên Rêberê PKKê Abdullah Ocalan ên 25 sal dinere, dibîne ku dîsa ji bo çareseriya demokratîk û aştiya civakî peyam şandine.
Peyama Rêberê PKKê Abdullah Ocalan a di 6ê nîsana 1999an de wiha ye:
Ji TC û raya giştî ya cîhanê re
Daxuyaniya min a têkildarî pêvajoyê ye;
1. Ji bo pêvajoya 1ê îlona 1998an di her qadê de di bin berpirsiyariya tam de bê meşandin;
2. Ji bo dewlet, di serî de efoyê û ji bo aştiyek mayinde tedbîran bigire, divê dawî li şerê çekdarî bê anîn;
3. Piştî salên 90î, li gel hin jirêderketinan, bawerîdayîna pergala Komara Demokratîk divê di serî de ji bo azadiya ramanê ya kurdan û hemû pirsgirêkan bingeha çareseriya aştiyane bê dîtin;
4. Di bin van şertan de, divê di nava pergala xwe ya demokratîk de, amadekariya zagonîkirina PKKê bê kirin;
5. Divê dewlet heta helwesta xwe ya -di avakirina hikûmet û meclisê de- bide xuyakirin, di bin dirûşma aştiyek civakî ya çalak, efo, xwûşk û biratiyê de, xetek çalakiyên siyasî bipejirîne û bi biryar têxe meriyetê;
6. Divê hemû saziyên navneteweyî yên aştî, mafên mirovan, hikûmet û parlamentoyên wan, li ser vê bingehê piştgiriyê bidin;
7. Eger wekî tê teqmînkirin/hesibandin, li ser vê xetê, kiryarek pêş bikeve, Neteweyên Yekbûyî, Yekîtiya Ewropa, Konseya Ewropa û Konseya Hevkariyê û Ewlehiyê ya Ewropayê wekî çavdêr keşdarî pêvajoyê bibe;
8. Hemû derdorên eleqeder ên li Tirkiyeyê; cemawerî, taybet, partî, çapemenî, hemû saziyên civakî û sivîl; divê zanibin ku ji aliyê min de pêşketin di cewherê xwe de bi vî rengî ne. Divê bê zanîn ku ev piştgiriya min a ji bo welatê me û pergala demokratîk xwedî girîngiyek jiyanî ye;
Di ketina me ya pêvajoya dîrokî de, ez hemû çalakiyên întîharî yên li metrepolan û çewlîkê şermezar dikim. Divê hemû derdor û hêzên me, xeta demê ya ku çarçoveya wê hatiye xêzkirin bi kurahî fam bikin û li gorî wê xebatek siyasî û berfireh a çalak pêş bixin. Ez bi rêzdarî pêşkêş dikim, hemû kesan silav dikim û di xebatên aştiyek azad de serkeftinê dixwazim.
Di beşa encamê de jî ezê diyar bikim ku pirsgirêk çareseriya demokratîk e.
Pêvajoya pergala demokratîk li Tirkiyeyê jî dest pê kiriye. Lê yên asteng dikin hene. Pergala Demokratîk li Tirkiyeyê di meriyetê de ye. Çand jî dikeve nava vê yekê. Divê mirov saziyan, estîtuyan biçûk nebîne. Nayên bikaranîn. Doza min doza demokratîkbûna komarê û nedemokratîkbûna komarê ye. Ez çareseriye demokratîk ji çareseriya otonomî û federasyonê bi watedartir dibinim. Pêvajo zorê li her kesî dike ku di nava pergalê de xwedî berpirsiyar be. Eger li ser çareseriya demokratik lihevkirin nebe, dê di sedsala 21emîn de şer serdest be.”
