Hevşaredarê Erxeniyê Şiyar Guldîken ji bo 2yemîn Rojên Pirtûkan banga tevlibûnê kir û wiha got: “Ji bo pêşeroja gelan û avakirina jiyaneke demokratîk pêwîstî bi van rojên pirtûkan heye. Îsal em dibêjin, ‘Dinya bi peyvan tê ba hev’.”
Bi pêşengtiya Şaredariya Erxeniyê di navbera 7 û 10ê Gulanê de bi hevkariya Yekitiya Weşangerên Kurd (YEWKURD) û Şaxa Egîtîm Sena Hejmara 3yemîn a Amedê li Park Ormanê ya Taxa Yenîşehîrê ya navçeya Erxeniyê 2yemîn Rojên Pirtûkan a Şaredariya Erxeniyê dê bê lidarxistin. Di pêşengeha ku zêdetirî 40 weşanxane û 60 nivîskar dê tev li bibin de gelek panel, gotûbêj û aktivîteyên cuda dê bên lidarxistin. Hevşaredar Şiyar Guldîken ji bo tevlibûna rojên pirtûkan di serî de bang li ciwanan û li hemû gelê Erxenî û Amedê kir.
‘Dinya bi peyvan tê ba hev’
Hevşaredar Şiyar Guldîken armanca lidarxistina pirtûkan wiha vegot: “Ji ber ku dîroka gelan, çand û hunera gelan; ji bo pêşeroja wan, ji bo avakirinê û ji bo nûvekirinê girîng e. Sala çûyî dema ku me amadekariyên rojên pirtûkan dikir, bi rastî em gelekî kelecanî bûn. Me digot gelo wê eleqeyek çêbibe an na. Sala çûyî di çar rojan de nêzî 35 hezar kes hatin, li stantan geriyan, pirtûk girtin û xwendin. Îsal kelecana me bi rastî jî zêdetir bûye. Ji ber ku em dibêjin hewce ye em li gorî sala çûyî zêdetir bikin. Em dibêjin ev xwendevan û ev helbestvan, ev nivîskar û ev rewşenbîr, ew ê îsal di asteke bilind de werin cem hev. Îsal em dibêjin, ‘Dinya bi peyvan tê ba hev. Dinya bi peyvan ava dibe’. Sala çûyî me gotibû, ‘Xwendevan û nivîskar bi peyvê tên cem hev’. Îsal jî em dibêjin; hemû gelê me, hemû ciwanên me, hemû xelkê bajarî, tev li van rojên pirtûkan bibin. Em bi hev re pirtûkan bixwînin û em bi hev re paşerojeke nû ava bikin.”
Bernameya Rojên Pirtûkan bi vî rengî ye: Bernameya 2yemîn Rojên Pirtûkan a Erxeniyê
