Koma Meclîsê ya CHPê li navenda partiya xwe civiya û di civîna girtî ya komê de Ozgur Ozel bi 95 dengan ji bo Serokwekîliya Koma CHPê hate bijartin.
Koma CHPê ya Meclîsê, piştî biryara “Betalkirina Teqez” a fesixkirina Serokê Giştî ya CHPê Ozgur Ozel û rêveberiya wî li Navenda Giştî ya CHPê civiya. Parlamenteran civînek girtî ya grûbê li dar xist û dengdanê pêk anîn. ji 96 parlamenterên CHPê bi dengên 95 parlamenteran Ozgur Ozel wek Serokwekîlê Koma CHPê hate bijartin. Dengek jî betalkirî hate hesibandin û 15 parlamenter jî bi hincetên nexweşî, tev li cenaze bûn e û li derveyî welat in piştgirî dan Ozgur Ozel.
Hat zanîn ku parlamenterên nêzî Kemal Kiliçdaroglû ne jî tev li civînê bûn. Ozgur Ozel beriya bibe serokê giştî yê CHPê ew wek Serokwekîlê Koma CHPê kar dikir.
Biryara ‘Betalkirina teqez’
Di 4-5ê Kanûna 2023yan de kongreya asayî ya CHPê pêk hatibû û Ozgur Ozel bûbû Serokê Giştî yê CHPê. Dadgeha Îstînafê roja 21ê Gulanê derbarê kongreya CHPê ya ku Ozgur Ozel pê bûbû serokê giştî biryara “Betalkirina Teqez” da. Bi vê biryarê re Ozgur Ozel ji peywîrê hat girtin û Kemal Kiliçdaroglu careke din weke serokê giştî hate peywîrdarkirin.
