Li Cizîrê 15 welatî di serdegirtinên malan de hatin binçavkirin. Sedam binçavkirinê nehat zanîn.
Li navçeya Cizîrê ya Şirnexê vê sibehê di serdegirtinên malan de 15 kes hatin binçavkirin. Li taxa Banê Yafes jina bi navê Zehra Aslan ku pitika wê ya 9 mehî heye, li taxa Nûrê jî welatiyê bi navê Yusuf Alkan di serdegirtina malên xwe de hatin binçavkirin. Her wiha hat zanîn ku li taxa Nûrê gelek welatiyên din jî hatine binçavkirin. Sedema binçavkirinê û navên kesên din nehat zanîn. Welatiyên hatine binçavkirin birin Midûriyeta Polîsan a Cizîrê.
