Li Şirnexê bi pêşengiya TJA, DBP û DEM Partiyê ji bo banga Aştî û Civaka Demokratîk a Rêberê Gelê Kurd civînên gel destpê kirin. Di çerçoveya civînan de li bajarokê Gundikê Melê civîn pêk hat.
Bi pêşengiya Tevgera Jinên Azad (TJA), Partiya Herêmên Demokratîk (DBP) û Partiya Wekhevî û Demokrasiyê ya Gelan li Kurdistan û Tirkiyeyê ji bo banga Aştî û Civaka Demokratîk a Rêberê Gelê Kurd Abdullah Ocalan baş bê feh kirin civînên gel tên lidarxistin. Di çerçoveya Civînên Aştî û Civaka Demokratîk de li bajarokê Gundikê Melê yê Şirnexê bi pêşengiya TJA, DBP û DEM Partiyê civîna gel pêk hat. Li qada Gundikê Melê di nav taxê de civîn pêk hat. Cihê ku civîn pêkhat pankarta li ser, “Civînên Aştî û Civaka Demokratîk” dinivîsî hat daliqandin. Parlamenterê DEM Partiyê Mehmet Zekî Îrmez jî tev li civînê bû. Li Gundikê Melê gelek welatî tev li civînê bûn. Civîn ji bo cangoriyên azadî û demokrasiyê bi deqîqeyekê rêzgirtinê destpê kir.
Welatiyên tev li civînê bûn li ser pêvajoyê pirsên ku meraq dikirin ji dîwanê pirsîn. Dîvanê jî li ser pêvajoyê nirxandin kir û pirsên gel bersivand. Civîn bi pirs û bersivan bi dawî bû.
