Komîteya Parastina Rojnamegeran (CPJ), têkildarî êrîşên Îsraîlê yên li dijî Xezayê daxuyanî da û destnîşan kir ku di encama êrişên Îsraîlê yên li ser Xezayê de, heya niha 192 rojnameger hatine kuştin.
Êrişên Îsraîlê yên li ser Xezayê berdewam dikin. Li gorî daneyên Komîteya Parastina Rojnamegeran (CPJ), ji 7ê Cotmeha 2023an vir ve ango ji destpêkirina êrîşên Îsraîlê ve, herî kêm 192 rojnamevanan jiyana xwe ji dest dane. Ji van, 178 rojnamevanên Filistînî bûn ku di êrişên Îsraîlê de hatibûn qetilkirin. Di 10ê Tebaxa 2025an de, pênc rojnamevanên din, tevî nûçegihanê navdar ê El Cezîreyê Enes Şerîf, di êrîşeke li ser konê çapemeniyê yê li dora Nexweşxaneya Şîfa li bajarê Xezayê de hatin kuştin. CPJ û rêxistinên rojnamevanan ên navneteweyî tekez dikin ku hedefgirtina sîstematîk a endamên çapemeniyê li Xezayê dibe ku wekî sûcekî şer were hesibandin. Neteweyên Yekbûyî û UNESCO daxwaza lêpirsînên serbixwe û şefaf dikin.
