Amedspor û Esenler Erokspor li Stadyûma Tahir Elçî hatin beramberî hev û Amedspor 2-1 bi ser ket û 3 puan wergirt.
Maçên tîmên Lîga 1emîn a Trendyolê ya Federasyona Fubola Tirkiyeyê (TFF) berdewam dikin. Di hefteya 15emîn de maçên lîgê didomin. Maçên hefteyê bi maça tîma Amedsporê û Esenler Eroksporê dest pê kir. Her du tîm li Stadyûma Tahir Elçî ya Amedê hatin hemberî hev. Li trîbûna Rojhilat a stadê bi minasebeta salvegera 10emîn a kuştina Tahir Elçî kareografiya Elçî hate vekirin. Li ser kareografiyê nivîsa “Em ê te di aştiya civakî de bidin jiyîn” hatibû nivîsandin.
Alîgirên Amedsporê dirûşmên dilsoziya bi Amedsporê re berz kirin û piştevaniya xwe nîşan dan. Dengê coş û dirûşman li stadyûmê olan dan.
Amedspor 3 puan wergirt û ket rêza duyemîn
Di beşa yekemîn a maçê de Esenler Eroksporê gola ewil avêt û bi 1-0 ket pêş û beşa ewil wisa bi dawî bû. Di 45 deqîqeyên beşa duyemîn de Amedspor bi ser Eroksporê ve çû û hewl da xwe derxe pêş. Amedsporê di deqîqeya 78an de Andre Poko gola tîma xwe ya ewil avêt û maç bû 1-1. Piştî 9 deqîqeyan di deqîqeya 87an de Amedsporê penaltî bi dest xist. Futbolîst Mbaye Diagne gola duyemîn avêt û Amedspor bi 2-1ê bi ser ket. Amedspor 3 puan li stada xwe wergirt û ket rêza 2yemîn.
Hefteya bê dê Amedsporê û Umraniyesporê li Stenbolê bên beramberî hev.
