Welatiyên Amedê têkildarî êrişên ser Rojava û nerazîbûnan axivîn û gotin: “Çalakiyên me yên li dijî êrişan asteng dikin. Ka xwişk û biratiya gelan?”
Çeteyên HTŞê, DAIŞê, SMOyê ku ji aliyê Tirkiyeyê ve tên birêvebirin, êrişên xwe yên li dijî Rojava didomînin. Li dijî êrişên ser Rojava li Kurdistan, Tirkiye, Ewropa û gelek welatên cîhanê Kurd û dostên wan çalakiyên nerazîbûnê li dar dixin. Li Amedê jî her roj li dijî êrişan çalakî pêk tên. Di pêşengtiya Platforma Saziyên Demokratîk de li Qada Şêx Seîd ya girêdayî navçeya Bajarê Nû ya Amedê, nobeta ji bo piştevaniya Rojava tê lidarxistin. Kesên ku tevlî çalakiya nobetê bûn têkildarî êrişên ser Rojava ji ajansa me re axivîn û gotin: “Em li gel xwişk û birayên xwe yên li Rojava ne. Lê belê yên ku behsa xwişk û biratiyê dikin ji çalakiyên me re astengî derdixînin. Ka xwişk û biratî?”
