Serokkomarê Fransayê Emmanuel Macron ji ber peymana HSDê û hikûmeta Sûriyeyê spasiya General Mazlum Ebdî kir û got ku ew ê ji bo peyman bê kêmanî bikeve meriyetê bixebitin.
Emmanuel Macron li ser hesabê xwe yê Xê de li ser mijara peymanê daxuyanî da. Macron diyar kir ku ew piştgiriya peymana hate îmzekirin dikin. Macron diyar kir ku ew ê ji bo peyman bê kêmanî bikeve meriyetê bixebitin.
Macron bal kişand ser peymana ku îro hat belavkirin û ji ber peymanê spasiya General Mazlum Ebdî û serokê hikûmeta Sûriyeyê Ahmed el-Şara kir û wiha got: “Ji bo ev peyman bê kêmanî di jiyanê de pêk bê Fransa heta dawiyê dê piştgiriyê bike.”
Macron da zanîn ku dê Fransa ligel şirîkên xwe ji bo îstîkrar, edalet û jinûve avakirinê piştgiriya xwe ya ji bo gelên Sûriyeyê berdewam bikin.
