Li Kobanê nexweşên pençeşêrê diyar kirin ku ji ber dorpêçê derman li bajar nemane û ev yek hem nexweşiya wan giran dike hem jî jiyana wan dixe xeteriyê. Nexweşan xwest ku dorpêç demildest bê rakirin.
Ligele peymana di navbera Rêveberiya Xweser û Hikûmeta Demkî ya Sûriyê de jî dorpêça li ser Kobanê berdewam dike. Ji ber dorpêça dikeve roja 15an derman nayên peydakirin, nexweşên Penceşêrê nikarin derkevin derve û tedawiya xwe dewam bikin. Nexweşa bi navê Meyada Ehmed got ku 5 sale bi nexweşiya penceşêrê ketiye û dermanê wan li vir tune ye. Meyada Ehmet wiha got: “Ez berê diçûm Şamê tedawî dibûm, lê niha ji ber dorpêça li ser Kobanê, ez nikarin herin tedawî bibin. Êdî dema dermanê min dem ser ketiye, divê ez herim û tedawî bibin.”
‘Dermanên penceşêrê nemane’
Meyada diyar kir ku nexweşiya wê ya penceşêrê di pêsîra wê de ye û wiha got: “Her 21 rojan divê ez derziyên kîmyewî li bigirim lê derziyên kimyewî li vir tune ne. Êdî dem li ser derziyên min re derbas bûye û nexweşiya min giran bûye.” Meyada Ehmed bang kir ku divê dorpêş bi awayekî lezgîn li ser Kobanê were rakirin da ku ew biçe tedawî bibe. Fadîla Mûsa Elî jî diyar kir ku saleke bi nexweşiya penceşêrê ketiye û wiha axivî: “Li Kobanê dermênê penceşêrê nine. Ez li Şamê tedawî dibûm. Lê ji ber êriş û dorpêça li ser Kobanê, em nikarin biçin û tedawî bibin. Niha nexweşiya min li min giran kiriye, divê ez biçim tedawî bibim.” Fadîle Mûsa Elî diyar kir ku dixwazin rê were vekirin û dorpêç li ser Kobanê were rakirin da ku ew biçin tedawî bibîne.
