Şandeyek Neteweyên Yekbûyî (NY) ji bo rewşa mirovî û tenduristiyê binirxîne serdana bajarê Kobanê kir. Şandeyê awayên zêdekirina piştgiriyê bi saziyên bajêr re gotûbêj kir.
Şandeyek ji Ofîsa Neteweyên Yekbûyî ya ji bo Koordînasyona Kar û Barên Mirovî (OCHA) serdana navenda Rêveberiya Xweser a Kobanê kir. Şande ji aliyê Desteya Serokatiyê ya Meclisa Rêveber a Rêveberiya Xweser a Kobanê û nûnerên saziyên xizmetguzariyê ve hate pêşwazîkirin. Her du aliyan li ser pirsgirêkên mirovî û tenduristiyê yên ji ber dorpêçkirina Kobanê derketine û awayê peydakirina xizmetên bingehîn û pêdiviyên şêniyan gotûbêj kirin.
Dorpêç didome
Piştî civînê, şandeya NYyê di gel endamên Rêveberiya Xweser, serdana stargehên li bajêr kir da ku şert û mercên jiyanê yên li Kobanê di bin dorpêça berdewam de ji nêz ve bibîne.
Ji 20ê Çileyê ve hêzên Hikumeta Demkî ya Sûriyê dorpêçeke dijwar li ser bajarê Kobanê ferz kiriye û heta niha jî berdewam dike.
